Ove Hanebring wrote:
>
> Ecce tres phrases:
>
> "Le sol calide brilla"  - "calide" certo es un adjectivo.
> "Le sol brilla clarmente"       - "clarmente" certo es un adverbio.
> "Le sol brilla jalne"   - Que es "jalne"?
>
> Vamos tentar construer phrases con duo de iste attributos al mesme tempore:
>
> "Le sol calide brilla clarmente"        - Isto va ben.
> "Le sol calide brilla jalne"    - Isto va ben.
> "Le sol brilla jalne clarmente" - Isto non es un bon phrase.
>
> ("Le sol brilla clarmente jalne"        - Iste phrase es correcte, ma es
> disqualificate proque "clarmente" ha cambiate de function. Ora illo
> specifica "jalne", e non le brillar del sol.)
>
> My hypothese es que le ration pro que "jalne" e "clarmente" non es
> permissibile al mesme tempore es que illos es concurrentes; illos es _del
> mesme classe_, i.e. adverbios. Esque isto es linguistica?
>

Car Ove,

Io ama multo tu maniera de cercar a comprender e analysar le phrases. Tu
ha un spirito aperte e un "scintilla de linguista" in te !

Lo que tu ha ben vidite es que il ha un coercition sur le adverbios. In
facto, le regulas es que duo adverbios de mesme categoria (mesme grado)
non pote esser juxtaposite, sed illos pote esser coordonate :

        ex. Illa parla sinceremente e politemente (correcte)
            *Illa parla sinceremente politemente (false)

        P.S. In linguistica, le asterisco * es usate pro dicer que un           phrase
o un syntagmo es false.

        Ex. Io vole parlar
            *io voler parlar

Le adverbios de grado differente pote esser juxtaposite, proque lor
operationes son complementari :

        Ex. Illa parla vermente troppo forte

        vermente : adverbio de grado de assertion
        troppo : quantificator
        forte : adverbio de maniera


Amicalmente,

Anne