Car Amicos,

ora io sape que le eminente interlinguista e presidente del Societate
Interlingua-Nederland, burgomaestro del citate nederlandese de Heino, le
senior
Ton van den Berg, post un longe labor, ha gerite le statuto(s?) del UMI.
Esque le UMI ha statutos e non un sol statuto? Forsan statutos es un modo de
dicer.
Illo que io non sape es le perque io non ha ancora potite leger iste fonte
e si
io potera leger lo tosto.
In Italia on me demanda: Ma qui es vos? Ubi es vos? A qui adhere io? Es
isto un
americanismo? Quanto costa adherer?
Nos hic debe esser totos stupide, o nos debe haber plus de duo milles annos de
disincantamento.
Interlingua entrara in Italia con le informationes clar e sin facer fatiga pro
haber los.
De quanto tempore non lege tu le Constitution de tu Pais?
In le Constitution del 1947 de mi Pais nos ha le articulo 11 que dice:
"Le Italia repudia le guerra como instrumento de offensa al libertate del
altere populos e como medio de resolution del controversias international: le
Italia consenti, in conditiones de paritate con le altere Statos, al
limitationes de soveranitate que es necessari a un organisation que
assecura le
pace e le justitia inter le Nationes; le Italia promove e favori le
organisationes international que es orientate a isto scopo".
In iste dies iste articulo de nostre Constitution es objecto de debattos usque
al menacia del ritiro del fiducia al Governamento. Le public opinion se
interroga: es nos un pais sub le monopolio statounitese? Ha on facite toto
illo
que on poteva facer sin usar le armas?
Con le costo de un die de iste guerra non poteva nos resolver omne problemas?
Le italianos non ha aversion pro le statouniteses, nos es inter lores multo
numerose. Le italianos ha le passion pro criticar totos illes qui commanda e
nos non sera jammais un populo obediente.
Le aeroplanos se leva de dece-duo (12!) kilometros de mi domo e io non es
felice. Illos in vinti minutas es super Beograd. Io habeva quatro e cinque
annos quando Treviso, mi citate, pagava le tributo de 14.000 mortos civil al
bombardamentos del alliatos del 1944 e 1945.
Esque isto serviva a dissuader le conductores?
Le bosniacos e le albaneses es nationes que, como omne nation, ha su proprie
orgolio. Isto pro me es natural e legitime. Le orgolio de un populo ha
reactiones que sera victoriose sur le armas, etiam illos de hodie, vos videra.
Le fallimento es sempre e sol de qui ha le poter e non ha sapite e non sape
defender le pace, etiam illo del alteres. Le populos, necun populo, debe
jammais sufferes le guerra e ille qui affirma que le guerra pote esser
necessari vade private del derectos. Guerra es etiam le fame e le ignorantia.
Io non cerca cargas, io vole sol non esser ove.
Io desira le successo de Interlingua e illo passa etiam pro le organisation
mundial de Interlingua.
Ciao a totos,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789