Car Amicas e Amicos,

postea le inebriatura de augurios e, io spera, si on ha superate le timores
de omne specie que ha characterisate le dies passate, le anno initia ben,
pro le sperantias que potera haber Interlingua, gratias al messages per
Ingvar Stenström (Sun, 2 Jan 2000 01:47:35) e Thomas Breinstrup (Mon, 3 Jan
2000 11:07:53) qui scribe: "Le idea es que mesmo parve initiativas - si il
ha assatis de illos - deveni visibile, quando illos es combinate con
initiativas in altere regiones o paises.
Que ha tu preparate pro le Die de Interlingua in solmente 12 dies?".
Mario scriberea: "Que preparara tu pro le Die de Interlingua in solmente 12
dies?".

Eh! In 12 dies, con hodie 11 solmente!, que pote io preparar pro le 15 de
januario proxime?
Thomas suggere alcun inspirationes pro le quales io non es apte, o io non
ha un identic situation, como in Danmark, o Svedia. Omne pais ha su
realitate e io dubita que le suggestiones de Thomas sia apte pro mi pais.
Qual es le motivos?
Il serea troppo fatigante tractar iste thema que poterea haber rationes
valide pro mi Veneto, o mi Italia, quanto equalmente valide pro Espania,
Francia, Germania, ubi io non trova un satisfacente divulgation de
Interlingua; exactemente como in Italia. Un area de circa 250 milliones de
habitantes, forsan non inter le ultime personas active in le mundo.
Comocunque le anno initia ben, perque pro me il es positive que sia Ingvar
que Thomas ha usate iste lista con iste themas, etsi io releva un defecto
que il es in le retardo de affrontar le thema.
Ma il es melio tarde que jammais.

Io probara pro le proxime 15 de januario de haber publicate in internet le
grammatica per Gode, o de haber lo facite in grande parte, como io sera
sempre disponibile a responder a quicunque me volera scriber, in particular
le proxime 15 de januario, e io lo facera pro offerer un demonstration que
Interlingua es comocunque practicate, etiam in Italia.
Ingvar e Thomas deberea invitar lor compatriotas a usar Interlingua non
solmente inter svedeses, o daneses, o nonne?

Interlingua e le lingua italian. Io recipe messages ab descendentes de mi
compatriotas qui emigrava in tote le mundo al fin del Octocento e fin al
annos sexanta del passate Novecento. Lor lingua italian es multo povre,
etsi expression de un renovate voluntate de reutilisar lo. Ma italiano non
es lingua facile. Interlingua serea sin dubita un medio meraviliose pro
iste personas qui es in area del linguas anglese, espaniol, francese e
portougese (in Brasil del Sud on ha duo miliones de personas qui parla le
"Talian"). 
Ma nos debe demonstrar, car Ingvar e Thomas, que pro le medio de
Interlingua on pote communicar con tote le mundo. Nos debe combinar le
initiativas _in_ altere regiones o paises e promover le uso de Interlingua
antea in le area del cinque linguas contibutor e del duo complementar, o
Interlingua non habera successo.

Con le prime e plus calorose ciao del 2000,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com
http://millennium.fortunecity.com/zebedee/682
http://members.xoom.com/Oncle_Mario - spatio que era disponibile fin a
heri, e hodie non plus?
http://digilander.iol.it/oncleab/index.html

Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]