Benvenite, Peter, il es un placer saper que tu ha jungite al
lista. Tu pare como un persona multo interessante viste que
tu ha un ver multitude de interesses e hobbies, il me pare, ma
in veritate lo que me pare plus obvie es que tu debe esser un
bon persona pro que tu es amico de Thomas, e qualque amico
de Thomas per secur on pote extender le un mano in amicitate.
Le facto que tu ha multos interesses es bon e forsan nos potera
apprender plus in re le (fu)turismo e le Principalitate... como es
le clima illac? Esque il ha multe corvos? :-)

Io spera poter leger plus messages tue e que tu sape que tu
es benvenite sempre al lista del lingua international belle!

Amicalmente,
Jay B.

-----Original Message-----
From: Peter Ravn Rasmussen <[log in to unmask]>
To: [log in to unmask] <[log in to unmask]>
Date: Thursday, October 01, 1998 8:54 AM
Subject: Io vole ben presentar me...


>Estimate co-subscriptores al lista INTERLNG,
>
>Io es un membro nove al lista, e io vole ben presentar me.
>
>Mi nomine es Peter Ravn Rasmussen, e io ha 33 annos. Io es
>functionalmente bilingue (danese e anglese), proque io ha
>habitate plure annos in colonias vetule de Anglaterra (Hong
>Kong e Singapore), durante mi juventute.
>
>Mi habitation es in Copenhagen (Danmark), a un strata tranquille
>e commode, benque proxime al centro del citate. Io cohabita con mi
>fidantiata Lone, con nostre filio Lucas (qui ha quasi 2 annos), e
>con nostre can Molly (un terrier tibetan). Nos ha nulle de pisces
>aurate...
>
>Io esseva introducite al interlingua per Thomas Breinstrup, que vos
>cognosce. Ille es un collega de me - nos ha travaliate conjunctemente
>per plure annos pro nostre empleator, le jornal danese "Berlingske
>Tidende". Thomas es anque un bon amico de me - nos ha un senso del
>humor multo similar (e multo inculte, io debe confessar).
>
>Como Thomas ha previemente scribite al lista, io ha anque un hobby
>(veridicamente, io ha troppo de hobbys - io es maledicte de un
>mentalitate curiose, creative e totalmente sin autodisciplina).
>Isto hobby es le direction de un si-nominate "micronation"
>(alias "micro-stato", "nation ephemeral" o "nation fictive").
>Iste micronation, le Principato Soveran de Corvinia (in le qual,
>io es le prince, humilimentissime), ha 27 citatanos, e es medietate
>un joca, e medietate un experimento politic. Un occasion que le
>Principato es de interesse pro le subscriptores de INTERLNG es que
>un del cinque linguas official del Principato es interlingua.
>
>Si vos vole vider pro ipse, le URL del Principato es:
>
>   [URL]  http://www.corvinia.org  [/URL]
>
>Io ha anque altere hobbys, como p.ex. le direction de un sito
>historic (io studia historia al Universitate de Copenhagen), un
>sito de linguas (io es fascinate de linguas), e un sito de futurismo
>(le studio seriose del futuro). Tote iste sitos es accessibile sub
>le URL precitate.
>
>Io spera, que io pote contribuer con cosas interessante al lista, e
>que vos non pensa de me, que io es troppo bizarre...
>
>Con mi respecto affabile e de bon humor,
>
>     ***       Peter Ravn Rasmussen     ***
>     ***                                ***
>     ***   [log in to unmask]   ***
>     ***                                ***
>     ***    Willemoesgade 44, 1. tv,    ***
>     ***  DK-2100 København Ø, Danmark  ***
>