Allan,
  Io ora recognosce que vostre tela non es le mesme como le grec "tele-" de
television.  Totevia, vos ancora non recognosce que in
formar vostre tel-Agator, vos face un error etymologic,
in tanto que le thema "ager" de "navigator" debe esser
-ig- in le medio de parolas.  Assi vos debe scriber
"teligator":  ager [ag-/act-;-ig-/-act-].

Nonobstante on non conduce un tela, e le metaphora es
mal.  On conduce un vehiculo, un nave, p.e., super
le mar.  Un aranea promena super un tela e pote
metaphoricamente representa le movimento del
usator de un computator super le tela transterrestre.
Pro iste ration multe personas describe lor
programmas pro explorar le tela transterrestre como
un "aranea".  O le interrete es como le oceanos del
mundo e on explora le mundo in un nave, assi on
ha un "navigator" o le interrete es como le tela de
un aranea, e on es como un "aranea" qui ambula super
le tela.  Possibilemente il ha mesmo altere
metaphoras non considerate aqui.  "Explorator" es
un altere.

igamente,

Stan Mulaik