Kjellt,
   Vostre demanda de un solution final al question de particulas non es in
le melio interesses de interlingua, mesmo si illo pare in aquelle interesses
initialmente.  Vos debe selectionar un stylo o "dialecto" de interlingua e
usar le particulas de aquelle stylo.  In faciente isto [:-)] vos va devenir
plus informate del natura de interlingua.  In le lingua parlate de Roma
(como opponite al lingua scripte e administrative), il habeva un varietate
de expressiones e dialectos in differente regiones del Imperio.  Le anglese
es un lingua parlate in tote le partes del mundo, e il ha variationes in
le maniera in que illo es parlate sin perder su natura "anglese".  Le mesmo
con le espaniol in Espania e Central e Sud America.  Proque il ha plure
vias al solution del problema grammatic del particulas, toto de que es
bon e compatibile con le conception de interlingua como un registration del
vocabulario international, il va haber dialectos de interlingua basate
super aqueste differente vias.

Stan Mulaik