Salute Tomaso,

Io va responder a tu remarcas per poner un sagitta(-->) in tu texto.

-----Message origial-----
salivanto scribeva :


Loeiz scribava:

> Como le esperantistas non ha invitate le altere
> movimentos pro un lingua auxiliar e nos lassa como
> observatores, io propone que nos face un prognostico
> : quante deputatos in Strasbourg habera ille lista?

Primemente, remarca le uso de "le" esperantistas in tu
message, e le messages de alteros.  Qui es "le"
esperantistas?  Tal uso me pare como prejudicio fede.

--> Le articulo non monstra ulle inimicitate contra le esperantistas. Non
scriber lo esserea pro me le equivalente del articulo indefinite plural
(=certe esperantistas, o un parte del esperantistas, non ha invitate...). Le
articulo definite, si illo refererea a un integre classe, poterea al plus
esser ironic. Tamen, illo designa hic "le esperantistas [qui ha formate iste
lista]". Del altere latere, e a un nivello plus personal, io ha nulle
hostilitate contra esperanto; io opina que interlingua e esperanto non pote
esser seriemente concurrentes, nam in ambe casos il non se tracta del mesme
cosa: in le caso de esperanto, il es un nove lingua, que ha su proprie
tractos, su proprie expressivitate, i.e. medios de expression que non existe
in le linguas europee, e que ha su proprie evolution. In le caso de
interlingua, il se tracta de un... inter-lingua, un instrumento que permitte
a diverse linguas e lor locutores de incontrar se. E si, como in
interlingua, le resultato es agradabile a leger, a ascoltar o a pronunciar,
tanto melio!

> Seriemente, io es permulto surprendite per iste
> lista.  Io sape que le prime scopo de Zamenhof
> esseva unir le populos, sed isto me pare un nove
> passo verso iste ideal...

Forsan si, io non lo sape.  Io remarcava que anglese
manca in le pagina de iste gruppa - quasi que
anglatera non exista.  Io es esperantista e statio-
unitese (como on scriba iste parola?), sed io pote
acceptar que il ha europeos (e mesmo esperantistas
europee) qui vole que europo sia "independente de
le influentia de le USA, su lingua, e su cultura."

--> Io etiam ha essite surprendite per le absentia del anglese. A contrario,
remarca le presentia de linguas minoritari como le britone (Brezhoneg in le
pagina de entrata), que es le lingua celtic de Britannia, vicin al gallese
(Cymraeg/Welsh). Si io, como britone, me frue de iste presentia, illo da al
partito E-D-E un dimension multo plus regional que pote forsan explicar le
absentia del anglese... Quanto al mal influentia del SUA super Europa, de
qual America parla nos? Le del actual presidente, o le de Luther King? De su
imperialismo economic, o del creativitate de su artistas? Le SUA es troppo
vaste pro haber un sol realitate monolithic, le que es monstrate in le
medios (=mass media).

Io non pensa, que isto es, necessemente, un paso
verso le ideal de Esperanto.  Le sonio (forsan non-
attingible) de un lingua auxiliari es que le linguas
grande (como mi anglese) non debe intruder se sur le
linguas parve, nonne?

--> Secundo lo que io sape del historia de esperanto, le prime scopo de
Zamenhof esseva unir le populos per medio de un lingua commun e neutral. Sed
tu cognosce le historia del movimento esperantista multo melio que io, e tu
pote informar me re isto.

Peter Kleiweg:
> Un lista con oculieras, dedicate solmente a un
> subjecto, <snip> isto non es avantagiose pro le
> unitate del populos Europee.

In mi patria, le parte de tal partias un-dimensional
non es ganiar in un election, sed pro attraher
attention a un problema.

--> Io non crede que illes se illude re lor possibilitates de ganiar... Sed
io me demanda si illes ha seligite le medio apte a facer progreder le idea
de un lingua auxiliar.

A revider,
Thomas Alexander, USA
www.NightinGael.Net
P.S. Io de alcuni menses non scribava in Interlingua.
Per favor pardonar errores e intentional e non intentional.

--> Pro concluder - nam il es tarde, hic in Europa - sia secur que il ha
nulle animositate in mi parolas. Ironia... a vices, forsan, quando io non me
survelia, si. Io debe admitter lo. Sed plus que ironia, non.

Amicalmente,

Loeiz.