Car amicos,

Habente planos de facer un lista de terminos mathematic in interlingua con
traductiones in anglese, francese e germano, io es multo interessate in le
dictionario mathematic interlingua-polonese de Pawel Wimmer. Io es curiose
de saper qual terminos Pawel ha incorporate in su lista.

Le lista que io plana essera basate super le "Vocabularie Mathematic" que
le ocidentalista Sjostedt ha publicate in le anno 1970. Ille da in su libro
un lista de circa 2500 terminos mathematic in interlingue/occidental con
traduction in anglese, francese e germano. Basante me super le obra de
Sjostedt il me pare que il non essera troppo difficile pro me de producer
un tal lista pro interlingua.

Ma le facto que ora io me occupa cata die del composition de duo altere
dictionarios, francese-interlingua e un Dictionario de Biologia, plus le
revision e completation constante de mi dictionarios
Interlingua-Nederlandese e Nederlandese-Interlingua, significa que on non
debe creder que le lista de terminos mathematic va esser preste in un
futuro proxime.

Salutes amical de
Piet Cleij