Mario Malaguti wrote:
> 
> Car Amicas e Amicos,
> 
> nostre Stan scribe:
texto delite (...) 

> (In Italia nos usa dicer re le bananas: ma vade a rectificar bananas!)
> Nos debe facer simplemente illo que ha sempre facite in le millennios le
> homines qui commercia in omne e con omne parte del mundo: on vendi melio le
> productos que es melior.
Le amusante cosa es que io _nunquam_ ha vidite in le magasines ci in Svedia un
banana producite in le Union Europee! On produce bananas - secunde personas
qui los a experientiate multo bon - in le insulas Canarias, ma nulle los vende ci!

> Vos americanos sape vos producer pasta melior de illo italian? e vos debe
> producer lo! ma attention perque le altere americanos, illes qui ama le
> pasta,  comprara equalmente le pasta melior que, forsan, resta illo italian
> con un costo plus elevate pro vos.

Como le ris que augmentava 100 % quando Svedia intrava in le UE.

> Le regulas debe esser introducite, alteremente nos haberea damnos, ma on
> non pote pretender que le mesme regulas vale contemporaneemente pro un
> realitate e un altere. Le mundo es le expression de realitates diverse e
> illo debe restar assi, perque isto es facto natural que on non pote
> modificar con un lege.
> Le mesmo sera pro un lingua o un dialecto.
> Illes qui pote jam adoptar nove regulas debe respectar su rolo, como de
> altere parte le SUA debe respectar su rolo de superpotentia.
> Vos, como totos, es superpotentia anque perque vos occupa vostre regiones.
> Con un merito particular? Forsan no, como totos! E allora nos debe pagar un
> precio pro restar ubi nos es ab sempre. Nos debe offerer le equal
> opportunitate.
> Levar le pueros ab le exploitation economic, ab le strata e ab le
> emargination es facto que es presto a dicer, ma non assi simple a facer lo.
> O debe nos reducer nos totos in miseria pro solidaritate?
> Mi marita ha facite un adoption a distantia e con circa US$110.00 per anno
> illa mantene e face instruer un puero in le Guinea Bissau, puero que nos
> cognosce solmente per un photographia. Nos non le ha seligite, illa ha
> solmente decidite que isto era possibile pro nos.

In Svedia il anque es possibile auxiliar un infante in le tertie mundo. Ci on
appella isto que on es _patrino_ a un infante, pagante a illo un certe amonta
cata mense. Ante alcun tempore il era revelate que le grande organisationes in
principio face un photographia de un infante, non importa qui, e il es multo
possibile que _Joseph_ o _Ibrahim_ a qui tu es patrino in realitate se appella
Semus o Nelson. 

Del organisationes qui media tal adjuta on se defendeva "Il es multo costose
mediar moneta", (dice isto a un interlinguano! Nos ben sape quanto costa
inviar 100 coronas svedese a Nederlandia, pro non parlar de Africa o America
Sud) "e pro isto on debe facer assi. Le humanos plus voluntariemente paga si
il ha le foto de un infante con grande petende oculos al qual on pote relatar
se o si on justo dice "Iste infante es subtenite per te." "

Forsan isto non importa tanto, si on considera le facto que le moneta tamen -
in l e optime casos - adjuta al infantes. On ha ci multo criticate le facto
que le plus grande parte del costos que le organisationes de benefaction
recipe es guastate in administration. 

Ma le solution non es inviar le moneta directemente al persona. Si le familia
es povre on forsan non pote pagar le moneta necessari pro lubricar le official
qui les va dar le mandato del moneta!

> E allora proque cancerettes, retes e tortucas debe haber tante importantia
> e ingagiar in tractationes international? Perque le mundo continua a
> exprimer se pro minoritates, con le fortia del gruppo, e jammais pro le
> singule individuo qui non haberea problemas a pervenir a un accordo con uno
> su simile. Duo personas facerea le troco e le amor.
> 
De accordo, al minus si longe que illos es equal. Ma le tourista de un pais
del benesser e un persona del tertie mundo? 

> Stan: "In certe respectos le WTO es similar al Union Europee - un
> governamento sin real representation del populos in establir politica.
> Isto pote devenir un fonte del instabilitate politic in le 21me seculo."
> 
> Mario: le WTO tracta aspectos que es plus difficile que illos politic e
> internet e le e-commerce es un realitate que on non arrestara plus.
> Que es le SUA o le Brasil: federationes de Statos sin historia precedente.
> Que es le Europa? Statos de longe historia national e de longe traditiones.
> Le SUA fundava su statutos como expressiones de homines qui era arrivate in
> loco con le necessitate de exprimer se in modo nove e libere. Era le justo
> momento historic pro ganiar iste resultatos e vos era un decena de
> milliones de habitantes fin al seculo passate.
> Ma como exprime vos le representation del populo in le SUA?
> Le qualitates del candidatos es un problema commun.
> Io pensa a nivello local, postea statal e in fin federal. Vos non ha altere
> medios e iste es le systema democratic.
> Vos ha statos con le pena de morte e altere que non lo ha.

Kjell: E un stato in le USA pote contravenir le decissiones o accordos que le
governamentos central del USA ha facite con altere paises. Forsan il deberea
esser 50 americas in le Nationes unite o non un sol USA! 

Un exemplo de isto es un prisoniera svedese qui sede in un prision californian
pro complicitate de assassinato a un policiero (su amico faceva le assassinato
e le complicitate del svedesa era que illa era su amica de ille e per
consequente su complice, socio). 

Il ha un opinion in le medios de transferer Annika Östberg a Svedia assi que
illa pote perseder le resto de su pena in un prision svedese! 

Le responsa del guvernator de California ha essite que si on es participiente
in un crimine e non proba stoppar lo, on es complice e debe seder. 

Secundo le medios ci Annika Östberg habeva confessite le complicitate pro non
riscar esser condamnite a morte pro le mesme confession post le processo
judicial (si io comprende le idea de "plea bargain"(?).  Isto certo es un
interessante maniera de legislation!

On minacea per un boycott de merces californian... ma quasi per hasardo io
nunquam ha vidite tante merces californian in le magasines!!!!

> Vos ha le mercato libere e quasi le manco del  welfare state.
> Quando vos sta mal vos debe facer le contos e decider si vos ha le medios
> economic pro facer vos curar.
> Vos ha le paupertate plus extreme e un forte incommoditate social.
> Nos ha le sanitate public que non es le ultime al mundo, nonobstante que
> nos lo critica sempre.
> Isto es uno del productos de nostre decennal politica europee que debe
> facer le contos con iste realitates.
> In le duo ripas del Atlantico nos vive equalmente supra nostre real
> possibilitate e nos non vole supportar e admitter isto.
> E tu Stan pensa que nos non ha un stabilitate politic europee?
> Nos ha iste tranquillitate anque con le cambio non favorabile dollar/euro
> de hodie, perque nos pensa que sia le dollar a esser supervalutate.
> Nos, e io intende sempre le europeos, es constringite a guardar al est.
> Postea sera vos qui cambiara comportamentos.
> Nos, Stan, vos totos e io, deberea facer un pacto: resister hic pro vider
> como il sera le evolution!
> 
Ci in Svedia on parla multo, al presente, del periculo de neonazismo. Le
problema es, a mi maniera de vider, que si le capitalismo e le personas qui
habe, va ignorar, oblidar le pauperes, illes tosto o tardo se tornara a un qui
vole les salvar, sia isto communistas o nazis non importa...