Salute!
Le description del Venerdi Sancte me faceva pensar del facto fascinante de
que nostre varie situos es multo fascinante.

De mi annos scholar io me recorda le Sancte Venerdi (lo que nos ci appella
le Longe Venerdi) era un die supertriste. Non era cinema, non dansas o
magasines aperte! On faceva nihil salvo pensar del pasion de Jesu Christo.
Le medios induceva a isto.

Forsan le cambio veniva lentemente in le tardive cinquantas, quando le
cines comenciava monstrar films, le prime - si io me non equivoca - era le
Septime Sigillo de Ingmar Bergman, ubi le cavaliero retorna a su castello e
joca a chaco con le morte, un scena tremendemente impressionante in mi
annos juvene, nunc - a un demonstration del film per le television un cosa
quasi banal.

Iste film era le precursor de altere films, primo solo pro Jesu Christo e
postea del omne possibile themas. Nunc le Venerdi Sancte non ha effecto al
selection de films o del enunciationes (output!) del medios :-)

In le circulos in le quales io me move multe humanos non se preoccupa del
Sancte Venerdi. Temperie (meteo) permittente on va al natura (le vicinitate
rural del citate), le alauda canta supra le campos e toto es multo
primaveral. Non iste anno quando nos habeva nive alcun septimanas retro, e
le population se gaude como idiotas pro que il face 7 grados SUPRA zero!
(Celsius).

Ci in le jovedi paschal - i.e. anteheri - le infantes circumambula vestite
como magas, rememorante del tempores quando on comburera feminas pro isto
que illas habeva volate al Monte Blau (Monte Calve) pro indulger in
amusamentos orgiastic con Le Diabulo e Su Equipa.

Le magas volava, sedente sur le fuste de un scopa. Nunc toto es
deteriorate. Le puellas - a pena in etate alphabetisate - veni a te pingite
a la maga, con pannellos circum le capite como feminas in le societate
rural del tempores passate, illes ha un cafetiera (pro tener le moneta que
illas spera que tu e altere bon humanos va dar las) e te dara un charta con
le texto Gaudiose Paskwa!

Iste vespere on visita amicos a mangia alque bon in le familia e le
majoritate del population, essente assatis secular sonia del duo dies
ancora de tempore libere. Non solo le Sancte Venerdi, ma etiam le dominica
e lunedi paschal es dies libere in iste pais.

Lentemente veni le lumine del die, le termometro indica + 0,1 Celsius e io
ha justo legite un articulo finnese in re insomnia. On quasi deberea ir al
lecto ;-)

Il resta solo desirar a vos omnes un Gaudiose Pascha e simultaneemente
gauder se del colorito diverse del vicinitates del participantes in
Interlng.

Amicalmente


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden