Al amico Jerzy Gralak.

        Io ha justo legite tu message a "Andrew e Interlistanos". Ante toto, io vole laudar tu scriber in Interlingua, que jam me pare presentar progressos. Io es convincite que si tu cerca plus attentemente usar parolas e expressiones autorisate tu va presto attinger un bon nivello de communication in nostre lingua auxiliar international.
        E io volerea tamben rememorar te que tu potera participar cata mercuridi e cata sabato in le "chat scripte" create per Péter Kovács (ille probabilemente va divulgar lo hodie aqui in *Interlng*). Mesmo que tu a principio non essera  forsan multo active, tu profitara de accompaniar le conversation inter le personas presente. Io te assecura, que Péter Kovács es un experte linguista e un maestro habile e patiente.

        Imbracios fraternal.

        Carlos Alberto Santos
        Aracaju - BRASIL

--
Archivos e disabonar: http://listserv.icors.org/archives/INTERLNG.html