Allan Kiviaho wrote:
>
> d[000110] x[Allan Kiviaho] TchV-015 KivA-01X
> s[Kosova]
> [log in to unmask]
>
> Victor A. Tchernavski 000105
> Io sera absolutemente correcte, sed, per favor, da me le parola
> pro advocar mi pais (non le politicos de mi pais!). Primo, le Kosovo
> es le parte de Yugoslavia, forsan mesmo plus que le Tchechnia es le
> parte de Russia.
> ------------------------------------------------------
> Allan Kiviaho 000110: Car Victor! Per quanto io sape
> Russia attaccava Czeczenistan le prime vice in 1818
> sed Czeczenistan era permanentemente occupate solmente
> in 1858. Serbia conquerava Kosova-Metohiya solmente in
> 1912 in le "Prime Grande Guerra de Balkan".
>
> Kosova era un parte de Turchia durante ca. 500 annos e
> in le 17me seculo le grande majoritate de serbos
> fugiva a Croatia (Krajina, Voivodina, Militärgrenze in
> le Imperio de Austria) post un rebellion non-
> successose. In 1912 le numero de serbos in Kosova era
> multo basse.
>
> Como pote tu mantener que "Kosova es le parte de
> Yugoslavia", un provincia ubi plus que 90 % de popula-
> tion era albaneses qui viveva sub un le plus tyrannic
> e chauvinistic oppression del regime serb post le
> morte de Josip Broz Tito - "le sol ver yugoslavo"?
>
Kjell R: In principio on poterea haber Kosova como un provincia de Serbia sub
le condition que le principios democratic era acceptite, ma on ha nunquam
practicate isto. Quando on in le sexantas (si io me recorda correctemente) on
dava plus de autonomia a Kosova e il habeva un albanese universitate etc.
In ille annos Kosova era certo un plus viabile alternativa quam le Albania de
Hoxha, e secundo lo que io ha audite le serbos e albaneses coexisteva.
Il etiam non es assi simple que serbos es orthodoxe e parla serbo e muslemes
parla albanese. Il habeva etiam villages con un muslem population
serboparlante, multo como le bosnianos muslem. Il ha etiam personas con
genitores serbe/albanese. Illes es le personas qui ha sufferate le plus,
debente adaptar se a 150 % a un o altere gruppo!
Ambe populos ha anque essite le subjectos de un indoctrination terribile, ubi
on ha probate demonisar le altere parte fortemente. Io ha parlate con serbos
que ha narrate le plus horrendose cosas in re albaneses, e io non esserea
surprendite si albaneses pote producer simile cosas, mesmo ante le guerra.
> UCK (Le Armea de Liberation de Kosova) comenciava
> un guerra subversive. Quando Serbia respondeva multo
> brutalmente le OTAN comenciava post advertimentos
> prolongate un guerra aeree.
>
Io suppone que historicos futur va describer le bombardamento de Serbia como
un classic exemplo de un situation quando un ductor politic per menacias e
attaccos pulsa le cosa verso un attacco del partes opponente. E le societate
international de su latere responde per altere menacias. Si vos isto nos va
facer.... etc. e subito on se trova a un puncto quando on debe, si on lo vole
o non, realisar le menacias pro non apparer como un debile.
> Il non pare probabile que Serbia unquam regania le
> controlo super Kosova. Le odio mutual inter le
> albaneses e serbos es multo nimis profunde. Al
> contrario il ha un risico que Serbia perde etiam
> Sandzhak (Novipazar), un provincia moslem e
> Montenegro. Sr Milosevic ha menaciate Montenegro
> con guerra. "Newsweek", un magazin statounitese
> scribeva que le OTAN forsan non interferea tal
> guerra.
>
E le risico es que le serbos anque lege Newsweek e pensa, "Ah, le americanos
non va intervenir. Bon, in iste caso nos pote attaccar Montenegro (Crna Gora).
Il habita anque multe albaneses in Montenegro. Quando io era ibi ante 12 annos
il habeva un multitude de restaurantes albanese ubique.
Il habeva anque un grande colonia estival (forsan le statouniteses lo
appellarea un campo estival) pro infantes albanese in Bec(v)ic´i, ubi io
passava mi vacantia.
On prendeva le touristas a un village albanese, Ostroc´ (io crede) apud le
frontiera al Albania hoxhista. Sur le summito de un monte on pote vider laco
Ohrid e le montes al altere latere del frontiera.
Gente que ha visitate Croatia dice que anque ibi il ha multo albaneses.
> Victor, an tu considera que Serbia ha derecto de
> haber tal provincias que son membros de "Yugoslavia"
> solmente per menacia de armas?
>
> Heh, mi sentimentos in le questiones de Balkan son
> multo controversial. Io ha multo admirate Serbia e
> altere partes del previe Yugoslavia. Io ha visitate
> Yugoslavia multe vices e so un membro del
> Association Finlandia-Yugoslavia (!). Io multissimo
> ama le musica folklore serb. Infortunamente le Radio
> Beograd ancora non es audibile in Finlandia post le
> attaccos aeree del OTAN.
>
Al undas medie, non distante del frequentia del servicio exterior de Finlandia
tu pote ascoltar Zagreb con le cantos a quatro voces del costa dalmatic. Viste
que iste station es ben audibile in iste saison, tu lo certe audi etiam in
Vanttaa/Vanda.
> Il es un grande tragedia que Serbia seligeva un
> politica tyrannic post le morte de Tito in loco de
> principios democratic e human. Benque io crede que
> Slovenia e Croatia volerea suveranitate total in
> omne casos. Io anque crede que le moslemes nunquam
> vole viver sub un regime del christianitate
> orthodoxe - e vice versa.
>
Io cognosce alcun croatos e ha laborate in simul con illes, e lo que omnes
diceva in le annos final de Yugoslavia era que nos debe liberar nos de
Beograd. On non pote sider in Beograd e decider toto pro nos.
Un croato narrava: "Viste que nos face le servicio militar in varie partes del
pais, il occurre soventemente que un juvene marita un puella de un altere
parte del pais e veni con illa a Croatia, ma illa sempre remaneva "le serba".
Un altere croato diceva: "Il es agradabile que on de novo pote sentir se
croato". Exactemente que isto significa ille non explicava.
Le armea ha jocate un importante rolo in le occurrentias post le creation de
paises soveran in Croatia e Slovenia. Post multo curte scaramucias in Slovenia
le pais era liberate. Io videva un cifra que le slovenos constitue 95 per
centos del population in Slovenia.
Con Croatia il era un plus longe bello, e le armea tirava a Zagreb per
artilleria. Io non es certe si on anque bombava del aere. Forsan alcuno lo
sape.
Le grande perditores de isto era le serbos in Krajina, qui primo era
infortiate per Serbia e creava un totalmente serbe zona ex Krajina, expulsante
omne le croatos vivente ibi. Quando le incontro de Interlingua in Praga
comenciava, le armea croate de su latere "prendeva" Krajina e in un maniera
multo brutal expulsava le serbos.
E in Serbia e in Croatia on habeva multo forte ductores (lideres, leaderes).
On pote dicer que ambes creava paises con multo limitate derectos human.
Minoritates era anque discriminate in Croatia.
Nunc quando le Democratic Union Croate (HDZ) sembla haber perdite le
electiones il essera interessante vider si futur gruppos al poter potera
introducer plus de democratia, in principio plus de derecto de parola, que on
non perde su occupation pro su opiniones e plus de iste typo; que le
electiones essera plus libere e que on habere le opportunitate seliger
politicos qui es habile a diriger le pais.
Durante tote le guerras balcanic il ha habite multe personas private qui ha
laborate pro pace e comprension mutual. Illes non ha essite multo describite
in le medios, e lor effortios pote esser describite como guttas in le mar, ma
tamen, malgrado tote le difficultates, illes ha probate.
Le interessante question es si le ancian Yugoslavia haberea potite evader le
guerras si illo era membro del Union Europee. Le responsa a iste quetion
hypothetic pote haber un responsa si on considera le possibilitates solver le
conflictos basc e catalan. Il ha - a mi aviso - catalanes e in Espania e in
Francia. Lo mesme es ver quanto al bascos que habita ambe lateres del
frontiera francese-espaniol.
Un plus forte possition del basco debe facilitar le collaboration a ambe
lateres del frontiera, ma debe on crear un nove nation basc pro isto? Il ha le
politic extremistas qui vole usar violentia pro isto, ma con omne tal
movimentos illo se transformara a un banda de criminales, que lucta plus pro
le moneta. Forsan lo optime esserea dar a illes le stato independente e
prender le responsabilitate. Il sole esser le optime refrigerator. Il es tanto
facile luctar quando totes persecute uno. "Quando nos essera libere toto
essera melior!" In multe casos le cive ordinari cadera de un dictatura a un
altere.
> Libertate pro omne nationes in le mundo es mi
> principio. E que omne nationes parlarea interlingua!
como secunde lingua, prime lingua extranier, io spera.
Il ha plus de cosas dicer in re isto, ma io lassa isto al futuro.
|
