85P-5B LofS RecI
da[980531]
ab[Ignacio Martinez Recari <[log in to unmask]>]
su[Re: Luctas; selotocratias versus democratia.]
To: [log in to unmask]
[Sigmund Lofstedt]
>> Il ha plure grande analyses europee hodierne, le quales
>> ha monstrate le poter de democratia in resister un
>> disvelopamento militar. On ha trovate _nulle_ lucta
>> militar qual es startate per un ver democratia. Omne es
>> startate per regimes dictatorial.
---------------------------------------------------
Allan Kiviaho 980601:
Io crede que Finlandia era un democratia in 1941.
Totevia, alliate con Germania, nos comenciava un
guerra contra le Union Sovietic. Quasi le omne
populo de Finlandia supportava iste decision de
nostre governamento. Finlandia era anque un
democratia post le Prime Guerra Mondial.
Nonobstante, Finlandia inviava truppos militar a
Estonia, Latvia e Carelia russe - e faceva serie
planos a attaccar Sankt Peterburg.
----------------------------------------------------
Le USA se crede esser un democratia grandissime.
1812 USA attaccava Grande Britannia pro prender
Canada. Isto attacco falleva.
1845 USA prendeva Texas ab Mexico.
1846 USA prendeva California e alicun altere areas
ab Mexico.
--1890 Un genocidia del USA contra de indianos
1898 USA attaccava Espania, prendeva Cuba e
le Philippinas. Le resistantia del
philippinos era supprimite sanguinosemente
usque 1902.
1902--1905 Aggressiones de USA in Panama e Santo
Domingo
--1920 Aggression de USA in Russia del est.
Infra Ignacio ha presentate alicun exemplos plus
actual.
---------------------------------------------------
Grande Britannia es un democratia parlamentari.
1839, 1842, 1878 e 1879 Britannia attaccava
Afghanistan.
1855 Britannia attaccava Finlandia e destruite
alicun urbes al costa del west e Alandia e
bombardava le forte de Sveaborg in Helsinki.
--1920 Aggressiones in Russia (Archangelsk, Golfo
de Finlandia - Kronstadt, Russia del sud e
est).
---------------------------------------------------
Assassinationes terribile del population civil in
Dresden per le armeas aeree del USA e de Britannia
e in Hiroshima e Nagasaki per USA.
--------------------------------------------------
Francia es un democratia celebre.
Aggressiones in Africa del nord.
Aggressiones in Indo-China.
1919 Duo divisiones francese attaccava Hungaria.
1920 Francia attaccava Syria e Turchia del sud.
---------------------------------------------------
Le ancian res publica de Roma era multissimo
democratic - e multissimo aggressive.
>> Nota bene que democratia non es solmente le derecto de
>> votar, haber partias politic, certe libertates etc, ma
>> un stato de mente in le nation, un "ethos" commun.
>>
>> Pacemente,
>> Sigmund
>
Ah, mmmh... Interessante. Io accepta que un ver democratia
debe esser pacifista.
Ma... que es un ver democratia, un democratia que non ha
usate le violentia gratuitemente e non ha comenciate
guerras?
Io espera que, secundo le autores del analyses, illo non es
le democratia del Statos Unite (Viet Nam, Grenada, Panama,
le humanitari injection letal, le bombas "intelligente"
plus stupide del mundo a Bagdad), o le democratia de
Espania (terrorismo de stato del GAL e del AAA e, in
general, guerra immunde contra le terrorismo de ETA), o le
democratia francese (guerra de Algeria, bomba contra le
Rainbow Warrior), o le democratia britannic (execution sin
judicio de terroristas del IRA in Gibraltar e, in general,
guerra immunde* in Irlanda), o le democratia neutralista de
Suissa (accumulation de fundos suspiciose, o evidentemente
dishoneste, como le auro del judeos persequite per le
nazis) o...
Io ama le cultura occidental pro multe rationes... e io lo
detesta pro alcun alteres (le repugnante industria del
armas, per exemplo, armas que on vende a non-occidentales
pro assasinar multo longe ab hic). Crede me: le democratia
es un ideal occidental, ma le practica democratic non es
un realitate troppo solide, mesmo in Occidente. Io pensa
que le mellior legato del cultura occidental es le
formulation del derectos human, e que le studioses del
historia non sera troppo benevole con le assi nominate
democratias e lor presumite pacifismo.
* In espaniol se dice "guerra sucia".
Con multo scepticismo...
Ignacio Martİnez Recari
[log in to unmask]
>
>Fecha: domingo 31 de mayo de 1998 19:38
>Asunto: Luctas; selotocratias versus democratia.
Allan Kiviaho:
Naturalmente le regimes democratic son
generalmente minus aggressive que le regimes
plus o minus totalitari, perque le parlamentos
rarmente son unanime quando il es question del
decisiones aventurose e riscose.
E democratias flore solmente in paises que ha un
alte standard de vita e pauc necessitate de esser
aggressive.
Ma io ha timor que le mundo videra terribilissime
violentia quando le ressources del mundo deveni
vermente rar.
Salutante
Allan
|
