Mario Malaguti wrote:

> Paolo, in le arco de tempore de duo annos tu me ha deludite pro le secunde
> vice. Jay, per favor, sparnia nos de tu replica, si tu pote.

Nos pote crear un micre lista pro discussiones religiose, ubi nos pote
intercambiar opiniones de como esser un ateo, credente lutherano, catolico,
orthodoxe, teste de Jehova etc. Vos vos recorda como multe era enoiate post
nostre ultime discussion, malgrado que ego lo trovava extrememente
interessante. Ego ama le historia del ecclesia et le comparistica inter varie
religiones, si longe que on pote menar le discussion in un spirito ecumenic.

Il es un poco triste que ego como un persona qui finiva creder in ille cosas
in le etate de 13 annos debe vocar vos a calma et un quiete intercambio de
opiniones. Ausculta vos reciprocamente primo et jecta le cultellos postea. Que
ego pensa de cultellos verbal, sperabilemente es comprendite pro omnes!

Paolo, qui ego ha incontrate personalmente es un multo bon persona, le qual
ego apprecia multo.

Jay ego cognosce via le rete desde multe annos. Ille ha essite mi fratre de
combatte in le discussiones con le plus varie protagonistas de altere allegate
linguas auxiliar.

Malgrado que ego non es un teste et non intende devenir uno, ego multo
apprecia Jay qui me a inseniate multo re tolerantia et linguas auxiliar. Et
ille ha - disculpa me pro dir lo - date un multo plus rational facie al Testes
quam lo ha facite le personas distribuente folios de convocationes a servicios
divin ci in Svedia.

Le differentia inter le fide del Testes e alteres pote esser multo
interessante. Lassa nos per consequente facer un lista!

Cellus
Interessate in toto que se move