Alcun amicos me ha inviate messages pro adressar le
question del "copyrights" del varie publicationes nunc
disponibile in formato ascii pro uso in computatores...

Io crede que le uso del files in iste forma non subtrahera
del ventas de libros per le Servicio de Libros, proque le
files son pro uso in computatores, le personas que vole
usar un libro va comprar le libros mesmo si illes ha le
file o non. Ma il es un avantage haber le file in formato
ascii pro poter incorporar partes in quotationes, o pro
developar altere files pro le studio e practica del belle
lingua international.

Io alsi crede que le disponibilitate de iste files es un
adjuta in le propagation de Interlingua in nostre tempores
moderne. On poterea attachar un paragrapho con le
explication de que ille files es facite disponibile a personas
interessate sin costos, ma que un donation de moneta al
UMI, al Servicio de Libros, o a qualque Organization
National pro Interlingua esserea benvenite. Iste forma de
propagar le files es como "shareware" e isto es ben
acceptate per le publico. Mesmo si alcun personas nunquam
dara donationes, forsan illes ha un grande interesse ma non
le moneta pro inviar. Pro illos que vole haber le libro imprimite
il essera disponibile, ma si alcun persona pensa imprimir su
proprie file del IED, CEID, o le Grammatica illes videra que le
costo in papyro e tincta es plus grande quam le costo del
libro imprimite jam in forma professional. In tanto il esserea
un cosa rar vider que alcun persona prefererea imprimir su
proprie copia, a non esser un persona que necessita un
impression in grande litteras si ille ha problemas con le
oculos o alco similar. Isto es plus que qualque altere
cosa un situation special. Assi que le majoria del populo
comprarea le libro imprimite si illes vola usar lo como tal
e non como ressource pro lor projectos computatoriales.

Ma io invita le expression de ideas de alteres, e in special
del membros in postos official del UMI, al qual io respecta
in iste typo de questiones, multo.

Sincermente, con reguardos amical,
Jay B.

--
      [log in to unmask]
             L(©¿©)K!
http://adam.cheshire.net/~jjbowks