Kjell =?iso-8859-1?Q?Rehnstr=F6m?= wrote:
>
> Evidentemente Martinet ha disvelloppate su opiniones in re le differentias
> inter ille e Alexander Gode in un articulo in le publication World. Esque
> alcun de vos ha accesso a ille articulo. Per stultitia privatis io habeva

Io era in bibliotheca hodie e legeva le articulo de
Martinet in "Word". Isto es un recension de IED e IG, le
publicationes fundamental de Interlingua. Martinet es
critical de certe aspectos de Interlingua. Su idea de
Interlingua era un lingua plus regular, plus "moderne".
Ille objecta al principio etymologic de Gode, e in su loco
prefere formas que son le plus proxime a formas moderne.
Ille anque objecta al inclusion del omne parolas
international quando illo conduce al existentia de
synonymos. Un altere cosa que non le place es le finales
vocalic in multe parolas, ex. "instrumento" (le finales
face I-la plus melodic ma multe linguas non habe los).

Certe examples que ille cita concerne le Interlingua
de 1951 plus que Interlingua de 1998. Per exemplo, ille
selige "subinde" como un exemplo del parola archaic e
non-intellegibile e remarca que "sovente" serea plus
appropriate. Ma isto es precisemente le parola normalmente
usate ora in I-la, e non "subinde". Su altere exemplo es
le synonymos "eder, mangiar, manducar". Mi impression es
que solmente "mangiar" es usate al presente.

Si io rememora correctemente, Martinet recentemente diceva
que le lingua de PANORAMA es le Interlingua que ille
acceptarea. Quanto plus personas usa I-la tanto plus
natural illo deveni e qualcunque errores del su authores
son eliminate.

Greg