Jaques Dehée scribe in un message anterior: "Kjell
es un esperantista" Io le precava de definir le
parola "esperantista" ma sequeva solo hecatombos
de textos francese. Ma essente le humano amicabile
io le pote adjutar un poco.

Assi: io parla esperanto, mesmo satis ben. Isto
era le prime lingua estranier que ego apprendeva.
Un poco plus tarde, o forsan simultanemente, io
comenciava apprender le anglese.

Io ha essite active in le movimento esperantistic
in Svedia. Isto es un facto que omnes cognosce.
Isto es nihil nove!

Le facto que io ha cambiate a interlingua es que
in mi experientia interlingua ha un multo major
potential como lingua international que esperanto.
Si un esperantista es un persona qui subtene le
ideas de esperanto como le sol lingua
international, alora io non pote esser definite
como un tal. On pote in vice definir me como
"esperanto-parlante", tanto que io es
"polonese-parlante", "russo-parlante" etc.
malgrado que isto non significa que io subtene
alcun ideologia de polonismo o russicismo. Ille
linguas simplemente es linguas parlate in le
paises vicin a Svedia, e pro isto de interesse pro
me.

Cata persona qui in alcun grado parla le anglese
non debe pro isto esser un proponente del
"anglismo", que nunc isto pote esser.

In le linguage academic un linguo-ista es un
persona qui ha academic cognoscentia del lingua.
Tal cognoscentias io non ha in ulle lingua, assi
que io non pote nomar me -ista in alcun senso.

In le internet io vide multe propaganda in favor
de esperanto in - anglese! - ma un del avantages
de interlingua secundo me, que interlingua se
propaga ipse. Le lingua es le propaganda, non
longe essayos in anglese (un lingua leger-libros,
spectar-films e scriber-in-le-rete pro me).

Kjell R