Heri io e mi sposa nos conduceva  in nostre automobile al
casa de mi secunde filio, Roberto.  Tres dies ante isto
un grande pino situate super le terra de un vicino ha
cadite a le proprietate de mi filio, frappante su casa,
destruente un section del palissada de ligno al margine
de su proprietate, e destruente un balustrada super un
scala de un portico del secunde nivello del casa.

Proque le pino esseva morte e ha essite notate per mi
filio al vicino, le compania de assecurantia del vicino
ha pagate le pro reparar le damno.

Nos viagiava al casa de nostre filio pro adjutar le
patre de su sposa in facer le reparationes.  Io
portava con me plure utensiles pro facer le reparationes.
Io pensava que io pote reparar le cavo facite per le
puncto del arbore per le muro internal del casa,
que esseva facite del gypso.  Io habeva disveloppate
un systema pro facer reparationes a parve cavos in
le muros de gypso quando io debeva installar le
insulation in le muros de mi cellario.  Proque io
debeva facer 75 cavos al alto del muro a intervalos
de 40 cm, io comprava un serra cylindric pro incisar
le circulos in le muro.  Iste serra esseva operate
per un forator electric portabile.  In le centro
del serra cylindric esseva un forator que guidava
le serra.  Post remover le pecia in le cavo e
retener lo, io insereva le insulation per sufflar
lo per un tubo in le cavo.  Alora quando le spatio
post le muro esseva plen de insulation, io
insereva un parve pecia de ligno plus longe
que le diametro del cavo per le cavo e lo fixava
trans le diametro del cavo de post le muro usante
duo vites a cata latere del cavo.
Isto provideva appoio pro le circulo del muro
removite per le serra, que io reinsereva in le
cavo e fixava per duo vites.  Assi io habeva iste
systema, e io habeva mi serra cylindric pro
remover un section circular del cavo in le muro
al casa de mi filio.

Quando io arrivava al casa de mi filio, io
esseva capace facer le reparation per remover un
section circular circa le cavo damnate e
reimplaciar lo con un nove circulo integre de
un extra pecia del muro de gypso.  Plus tarde
io e le filia affin coperiva lo con composition
de gypso.

Le resto del die io adjutava le patre del
sposa de mi filio (mi filia affin) a reparar
le balustrada. Io removeva le clavos de
pecias de ligno que esseva reusabile.
Quando le patre de mi filia affin ha complete
le installation del nove  barriera, io
finiva le installation per installar le
pecias vertical del balustrada.  Nos usava
tornavites electric portabile pro fixar le
pecias vertical con vites.

In le interim mi sposa jocava con le
granfilias, de 1.5 e 5 annos.

Stan