Un lingua parlate non pote esser forgiate con un sol
libro, specialmente un libro que se limita a presentar
le grammatica del libro sin dialogos.

Un lingua parlate se forgia (specialmente un lingua
planificate) se forgia le plus facilmente per le
presentation de dialogos que on pote audir (e anque
leger, si on vole) e imitar los.

In dialogos dyadic, il ha structuras, que appare multo
rarmente in le linguage scribite, con le exception de
pecias de theatro.

Durante que io preparava mi curso de interlingua
parlate, io essayava provider los in interlingua.  Le
processo esseva multo difficile, e mi successo in
provider los ha essite limitate.

Quando io preparara un version de iste curso in
anglese pro controlar lo que io ha producite in
interlingua usque nunc, io crede que le qualitate del
textos in interlingua essera assatis meliorate.

Ma iste structuras (un grande serie de interjectiones
esserea un exemplo) solmente ha apparite in linguas
parlate gradualmente durante le curso de uso de iste
linguas in conversation.  Io ha trovate que il es
multo difficile trovar equivalentes pro illos in
interlingua.

Naturalmente tal structuras emergera in interlingua
solmente post su uso assatis frequente e continue in
le conversation.  Usque nunc, nos non ha habite multe
opportunitates pro usar interlingua de iste maniera.

__________________________________________________
Do you Yahoo!?
Yahoo! Tax Center - File online, calculators, forms, and more
http://tax.yahoo.com