Alexander E. Kirpichev ha scripte:
>Salute!
>Io habe un question re IED: io videva, que illo ha le parola "por".
>Esque on pote usa{+r} {illo => lo} in Interlingua?

Alexander, nota que le vocabulo es listate inter parentheses quadrate in le
IED: "[por]", e que, al fin, il ha le indication "(= pro)".

Le parentheses quadrate indica que le vocabulo NON ha essite trovate per
medio del methodologia standard de IALA, mais in vice illo ha essite
simplemente importate de alcun altere lingua(s) auxiliar existente in 1951.

Con isto, Gode sperava que le promotores de tal linguas acceptarea le IED
como le fonte de vocabulario pro lor linguas, retenente solmente lor
gram
maticas respective.

Totevia, iste sperantia non se ha concretizate, e hodie, 50 annos postea,
quando multe de iste linguas practicamente non es plus utilizate (Novial,
Occidental,...) non existe un motivo forte pro utilizar multes de tal
vocabulos.

Le vocabulo "canonic" correspondente, i.e., trovate secundo le methodologia
de IALA, es indicate post tal vocabulos. In le caso de "[por]", le IED
indica "pro".

Mi consilio es: Considera si le publico que tu vole attinger va comprender
le vocabulo que tu va utilizar.

Assi, p.ex., in despecto del facto que io generalmente non utiliza "[ci]"
o "[anque]", io pote adaptar me e utilizar los quando io communica con un
francese o un italiano, respectivemente.


A revider,
Ensjo.