Car Martijn!

Con grandisssime interesse io insimul con Ingvar Stenström ha ascoltate le 
emission ab Bulgaria hodie. Nos habeva certe problemas in le initio proque 
nos non habev tempore pro preparationes ma quando le discurso comenciava nos 
esseva preste. Il pareva que nos debeva esser registrate in "Ustream" ma 
nunc io non es certe.
Le ligamine non functiona cata vice (nos faceva plure essayos in le initio) 
e il esseva impossibile copiar e collar le adresse in le campo (quadro) de 
adresse in supra.
Alcun remarcas:
Quando  nos videva le mute Martijn in le initio (longe tempore) nos credeva 
que ille ascoltava un discurso in distantia  que non esseva audibile pro 
nos, ma nunc nos sape que ille solmente attendeva.
Le sono esseva perfecte, e Petyo e tu Martijn esseva audite perfectemente.
Le imagine esseva un poco insdistincte ma io poteva recognoscer plure 
personas que io cognosce. Io constatava con gaudio que le juvene Alexandra,
nostre spero pro le futuro, pareva esser ibi. Ha io ration?
Minus bon esseva que plure personas parlava durante le discurso lo que al 
minus disturbava mi concentration. Io "audi lentemente" :-).
Con placer nos appreciarea reciper plure tal emissiones iste septimana! E 
alora il esserea interessante vider e audir alcun participantes presentar 
se.

Con mi optime salutes,
Erik

----- Original Message ----- 
From: "Martijn Dekker" <[log in to unmask]>
To: <[log in to unmask]>
Sent: Tuesday, July 26, 2011 12:37 PM
Subject: [INTERLNG] Emission in directo (live) in duo horas!


Salute desde le 19ne Conferentia International de Interlingua in Chepelare!

Ecce un experimento: io va tentar realisar un emission in directo de
un discurso in internet.

Adresse web:
http://www.ustream.tv/channel/conferentia-international-de-interlingua

Data: Hodie! (26 de julio)

Tempore: ± 15:30 (hora bulgare), 12:30 (GMT/UTC)

Discurso: Petyo Angelov, "Interlingua in plano idiolectal"

Veni a iste pagina web durante le discurso pro reguardar le emission
e pro dar commentos, poner questiones, etc.

Pro participar, clicca sur "Check-in and chat". Salta le option pro
divider in Facebook per cliccar "skip". Postea entra tu commento o
question, e io va transmitter lo a Petyo.

Tu es troppo tarde? Nulle problema. Post le emission, visita le mesme
adresse pro reguardar un registration del discurso.

- Martijn


--
Pro leger le archivos e pro modificar o cancellar le subscription:
http://listserv.icors.org/archives/interlng.html


--
Pro leger le archivos e pro modificar o cancellar le subscription:
http://listserv.icors.org/archives/interlng.html