Car ascoltatores e lectores,

In le podcast no. 32 de Radio Interlingua (pro april 2011) vos essera ducite un poco retro in le tempore, proque continuante presentar le interview con Thomas Breinstrup in 2008 vos potera audir qualcosa super le historia de jornalismo in interlingua. 

Le plus active jornalista de interlingua parlara super le antecessores de Panorama – istos es: le Currero e le Heraldo de interlingua. Ille mesme redigeva Heraldo durante sex annos in le 80s ante le fusion de iste duo revistas sub le nomine “Panorama in interlingua”. Postea ille parlara super Panorama mesme – que es le revista de interlingua actualmente official de UMI. 

Ma ante toto ille narrara su prime contacto con interlingua e como ille cognosceva le lingua. 

On pote abonar se a Panorama, que es de alicun tempore obtenibile tamben in formato digital in le paginas web de UMI, vide http://www.interlingua.com/panorama , http://www.interlingua.com/panorama-abonamento e http://www.interlingua.com/official/2009-10-31-panoramadigital . On pote navigar anque inter le indices del contentos de tote le exemplares de Panorama ab 2007: http://www.interlingua.com/official/2011-03-07-indices .

Iste vice le pecias music per Csaba Kocsis ha le titulos: 1. Latin2 e 2. Phantasy; de su serie "Zenei egypercesek" ("Musicas de solo un minuta").

Le ligamine directe al emission es: http://www.interlingua.com/node/796 .

Tote le emissiones de Radio Interlingua son attingibile sub iste ligamine: http://www.interlingua.com/radio .

Memora inscriber vos ancora hodie al conferentia international de interlingua in Chepelare, Bulgaria, proque hodie, le 1 de maio es le dato final de inscriber se! A isto vos rememora tamben Radio Interlingua al initio de su programma no. 32.

Le redactor Péter Kovács vos desira un bon divertimento!


--
Pro leger le archivos e pro modificar o cancellar le subscription:
http://listserv.icors.org/archives/interlng.html