Allan, oblida isto! Il occurre a totes de nos un vice o altere. Como ego
scribeva in re le codice Morse. On sape transmitter ma non reciper.

In nostre radio on habeva un intervista con un persona qui parlava in re le
svedese obligatori in Finlandia. Ille es un scribente in le plus grande
jornal finlandese Helsingin Sanomat. Solo post que ille era CONVINCITE que
le reportero del radio svedese vermente es svedese e non finlandese ille
voleva parlar svedese. Lo que on poneva era alque in le stilo que in
practica il se tracta de un occupation del svedeses... (postea su
argumentation era citate del reportero). Ego comprende le cosa assi que
omnes apprende le svedese in le scholas. Esque on lo apprende in omne
classes, mesmo in le schola fundamental? 

Quando ego visitava le presidente del Societate Svedese pro Interlingua un
septimana retro, il habeva in su television que le parlamento de svedophonos
discutara le "svedese de coersion" como on lo appellava (tvångssvenskan). 

In Helsinki il es possibile parlar svedese in quasi omne botecas. Si on non
pote parlar finnese frequentemente anglese functiona. Pizzerias es bon pro
le tourista, viste que le pizzas ha nomines italian como Quattro stagioni e
Vesuvio. 

In Joensuu on generalmente _non_ parla svedese (salvo in le agentia de
distribution de cameras pro touristas - ubi on parlava multo ben). Ego crede
que on pote apprender multo in re le divulgation de interlingua reguardante
le attitudes contra o pro varie linguas scholar. 

Il es evidente que si un majoritate del finnos pensa que il es melior
apprender anglese o germano como prime lingua estranier le horas de svedese
essera sabotate. Primo le alumnos non vole, postea le professores non pensa
que il non vale le pena, postea on prendera le lingua "recommendate" del
AUTORITATES como le prime salvation, quando on es "mal a linguas" proque on
sempre recipera bon notas. 

Un argumento in favor del svedese como prime lingua salvo le lingua maternal
in le scholas poterea esser que il ha le optime possibilitates utilisar le
lingua jam ubi on habita. Si on pensa que il ha possibilitates del optime
salario e possibilitates de avantiamento, on apprendera le lingua, ma como
dicite, on apprende nulle lingua pro justo apprender linguas, si on non es
interessate in linguas e los vide como un objecto sportive, como Montes
Everest a conquirer. 

In un altere gruppoo de novas ego legeva un extrememente stupide enunciation
de un discutante. Ille manteneva que viste que su lingua maternal era
francese ille coerceva le officiales parlar ´francese, e si illos non sapeva
ille demandava un interprete, malgrado le facto que ille scribeva su
enunciation in - a mi aviso - excellente anglese! On senti se inclinate
exclamar O sancta simplicitas!

Linguisticamente

 


Kjell Rehnstroem    
Vaenortsgatan 87      
S - 75264 Uppsala
email: [log in to unmask]