12:38 21-5-2014, interlingua lusitana:
>In un relectura mythologic moderne on pote vider le projecto
>europee como
>le fructo
>del copula inter Europa (un epiphania de Pasiphae) e un tauro:
>le Minotauro.

Le mesme texto (con le qual io non concorda del toto) in un forma
plus legibile:

==
In un relectura mythologic moderne on pote vider le projecto
europee como le fructo del copula inter Europa (un epiphania de
Pasiphae) e un tauro: le Minotauro.

Con un corpore human e un capite taurin iste monstro habita in le
dedalo create per le architectos del Eurozona; avide de sanguine
human ille attende le offerendas pro satiar su fame insatiabile,
metaphoricamente traducite in le sacrificios economic del
citatanos plus debile.

Iste labyrintho multivie, con su septe circumvolutiones (politic,
economic, social, moral, physic, mental e spiritual), ubi habita
le monstro, es le proprie Europa cercante le cammino pro trovar
su proprie centro, le corde disfacite in pecias de chacos.
Dominate per le fortias del grande potentias que joca a su (bon)
placer le vita e le destinos de milliones de seres human in le
tabuliero del grande placias forte del mundo financiari, Europa
attende le *turning point* indispensabile pro liberar se del
phantasmas que illo proprie creava al appunctar, pro le alte
cargas de su institutiones, politicos marionettes e technocrates
mediocre qui duceva le vetule continente al presente *statu quo*.

E quanto plus le labyrintho se allarga tanto plus es le
disorientation pro arrivar al scopo idealisate per le ver
constructores de un Europa libere (del sclavitude de omne sorte),
ubi le citatanos/personas sia equal (al minus in illo que
concerne le derectos human e social) e ubi le
fraternitate/solidarietate inter nationes e inter personas non
ser(e)a parolas van).

Le proxime electiones serea un bon data pro cambiar iste fato
millenari del exploitation capitalista e del dominio supreme del
moneta super le valores que le politicos proclama post 1789, ma
le quales illes mesme non pone in practica.

Le voto es una arma - on dice -, ma illo solmente sera efficace
si illo attinger le monstro e, assi, mundar le antro ubi habita e
(pre)domina le aviditate e le hypocrisia.

Le proxime dominica le citatanos del UE pote(rea) contribuer, con
lor votos, al 'solution del grande labyrintho' e liberar se de
iste 'grege' de politicos qui nos governa sin le charisma e le
*authoritas* qui habeva le grande imperatores e soveranos del
passato. Ma disappunctate le majoritate del electores va abstiner
se de votar o vota in blanco, e le situation va continuar le
mesme - con representantes de un minoritate democraticamente
electe a governar le destino del 'monstro' e de su victimas.

Qual es le rolo de interlingua in isto? Io lassa a vos le defia
de trovar le responsa...

==
--
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html