Luca Ghitti wrote:

> > Heri io ha ite al citate de Treviso (io habita in un village proxime).
> > Io ha dismontate del autobus in Piazza della Vittoria, un loco que io
> > crede non esser totalmente infamiliar a Mario. :-)
> > Io era con un mi car amico, que infortunatemente io vide assatis
> > rarmente. Nos ha emite un gelato apud le placia del Duomo, e nos ha
> > sedite sur un panca non multo distante. Illo era un loco splendide, que
> > io non remomora haber vidite antea. Il habeva quatro pancas, duo per
> > latere del placietta, e al centro il habeva un fonte. Il habeva etiam
> > duo bellissime pueras sedite sur le panca ante le nostre, ma mi
> > timiditate me ha impedite de facer lore cognoscentia. :-(
> >
> > Io volerea que Treviso sia semper sic: con su habitantes in sojorno al
> > mar o al montanias, sine automobiles e ruitos. Nos nos poteva promenar
> > in medio del strata, tanto le traffico era tenue!
> >
> > --
> > Saluti,
> >     Mardy
> > http://www.interlingua.com
>
> Qual belle description de Treviso que tu da a nos!
> Io nunquam visitava tu citate, ma io sape que illo es multo interessante e
> ancora un citate con un dimension human multo calide. Io ha solmente
> visitate in Veneto le citates de Verona, Vicenza, Padua e Venetia!
>
> Solmente un vice io habeva iste impression de tranquillitate e beltate in le
> grande citate di Milan. Io vadeva illac al matio, multo presto e il non
> habeva traffico, ruito. Le botecas e le cafés aperiva justo in ille momento
> e in le stratas on audiva solmente poc personas que parlava in le dialecto
> milanese e in le aere io olfaceva le odor del pan tosto cocite e le bon
> aroma del caffe.  Tote iste  voces e perfumos usque io arrivava in le placia
> del cathedral; assi io trovava Milan multo belle in ille matino!
>
> Hodie tanto tu belle Treviso es multo calme, tranquille quanto mi village
> Borno es plen de touristas, traffico, automobiles, ruitos e iste septimana
> le habitantes que solitemente es circa 2.800 deveni 15.000! Le tourismo
> apporta multe avantages economic e social, sed etiam un situation chaotic e
> le risco de pollution in mi belle silvas e montanias.

Nos dice burlantemente del invitatos que "Era agradabile quando illes veniva ma
plus agradabile quando illes sortiva!"

Il es un commun opinion in re le locos touristic que le habitantes ama le
moneta del touristas sed non troppo illes ipse! Naturalmente isto debe in alcun
senso esser un exaggeration proque on non pote odiar cosas con le qual on
travalia omne die, si il se non tracta de un pena e non laboro.

Cellus