Car Jay Bowks, Amicas e Amicos,

gratias al stupende labor de Emerson José Silveira da Costa pro le IED
in-linea, de Jay Bowks qui ha mittite disponibile duo formas de discargar
le mesme IED e de Stanley Mulaik con su fatiga pro le espaniol, nos pote
concluder iste 1999 con grosse possibilitates pro le futuro de Interlingua.
Gratias pro vostre fervor, Amicos.
Ora Interlingua ha plus possibilitate de reclamar su rolo de dono
preciosissime al humanitate.
Kjell Rehnström scribeva: "Si le commission (del Union Europee) in toto ha
tal membros (Erkki Liikkanen e Margot Wallström) nos va verso un futuro
luminose."
Le Union Europee ha iste homines de valor, qui es digne de iste projecto de
union e pace, como Interlingua ha le voluntarios del qualitate de Ensjo,
Jay e Stan, e io confide in iste homines e in lor actiones.
Si, nos debe confider in le futuro, nonobstante toto illo que il succede.
Nos ha homines qui sape facer progreder un idea e uno de iste homines face
multo plus que tante homines indigne.
Io crede que ab iste experientia de timor de iste dies, le homine sapera
obtener un inseniamento preciosissime pro un nove forma de futur libertate,
que non potera esser disjungite de un nove ordine. Que le timor nos conduce
a un bon ordine! Illo de viver in pace sin alcunos qui ha derecto de
protestar con le uso del fortia e del terror.

Bon 2000 e felice futuro,

Mario

Visita le pagina de Jay Bowks
http://adam.cheshire.net/~jjbowks/ied/index.html
e diffunde Interlingua