I61 xKivA xAraN - [INTERLNG] Requesta pro revista

[log in to unmask]

Banzai, Naoya!

Sia benvenite in le mundo de interlingua!

Archiduce Otto von Habsburg, un filio del ultime
imperator del Austria-Hungaria (ille va facer 97 annos
in le sequente autumno!), narrava in su discurso in
Turku, Finlandia, que in le aula del ministerio del
exterior japonese sta un statua con textos: "Le statos
amical de Japon". Il ha etiam un rubrica "Le statos
fraternal de Japon". Sub iste rubrica on trova
solmente duo paises:
- Finlandia
- Hungaria

Japon assisteva Finlandia in nostre lucta pro le
libertate contra occupatores russe in 1918 con
fusiles e ammunition.

Le prime ambassador de Finlandia soveran in Japon era
Gustaf John Ramstedt, un famose
linguista/orientalista. On ha mantenite que ille era
le sol ambassador europee in Japon qui maestrava le
lingua japonese.
http://www.interlingua.fi/ramstegj.htm
Infortunatemente ille non era interlinguista sed un
devote esperantista.

Si tu vole haber un grammatica de interlingua, vide,
per favor:
http://www.interlingua.fi/gram/gramiaan.htm

Vide etiam, si il te place:
http://www.interlingua.fi
Clicca:
- Interlingua in le mundo
-- Asia
--- Japon

An tu volerea haber information concernente te in iste
pagina?

CORDiaLMENTE

Allan Kiviaho
Finlandia

--
Archivos e disabonar: http://listserv.icors.org/archives/INTERLNG.html