Durante iste tempore del anno on passa multe edificios ubi il ha signos
que averta que on non debe passar troppo proxime al parietes del
edificios, nam on curre le risco que glacie cade del tecto in le capite
de un persona passante.

Ante alcun anno un juvene de 14 annos moriva post que un grande pecia de
glacie habeva cadite directemente in su capite.

Ego habeva un simile experientia ma  con plus felice exito, le resultato
del qual possibilisa que ego pote scriber in iste lista. In
approximatemente iste tempore del anno, ma ante multissime annos, ego
promenava in un strata in Stockholm. Ego reguardava le vitrina de un
boteca de tabaco, ma pro un o altere causa ego faceva alcun passos al
latere, e subito cadeva un grande pecia de glacie del tecto 5 etages de
altura al loco ubi ego habeva state solo alcun momentos antea.

Desde iste momento ego es multo caute quando ego passa casas ubi ego
time que il pote haber glacie sur le tectos.

Kjell R