--- Ove Hanebring <[log in to unmask]> wrote:
> Salute omnes,
>
> Io es fer de poter annunciar que il ora ha un
> dictionario orthographic ("spellchecker") de
> interlingua pro OpenOffice.org. Illo contine 26730
> parolas + omne possibile inflexiones de illos.

---

Io es multo felice que le redactor electronic de
OpenOffice nunc ha un corrector orthographic pro
interlingua.  Naturalmente, si io habeva accesso a un
tal corrector orthographic, io lo usarea.  un tal
ressource facerea multo plus facile e efficiente mi
travalios con textos in interlingua.

Mi circumstantias nunc non me permitte discargar e
usar le redactor electronic de OpenOffice, e io debera
continuar mi uso de WordPerfect Jr.  Ma con le tempore
forsan io habera le option de usar le logiciel de
OpenOffice.

Anque me place multo que tu travalia tan assiduemente
sur un dictionario svedese > interlingua.

(Thomas me ha inviate le lista de parolas que comencia
con "c-" pro le dictionario interlingua > interlingua
que ille nunc redige.

(Io ha comenciate le travalio de formular definitiones
preliminar pro iste parolas.  Io es confidente que mi
travalio sur iste projecto essera multo rapide e que
ante multe tempore le manuscripto preliminar essera
preste pro le gruppo de correctores.)

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com