Amicos!

Congratulationes a Edo Neilson pro le belle version del grammatica de 
Interlingua que ille ha disponibilizate in-linea.

Ultra le ligamines problematic indicate per Martijn, io cita tamben como 
correctiones e suggestiones additional:


1. Le manco del character de paragrapho ("§").

Per exemplo, le ultime linea del prefacio dice:

"¹ As a matter of fact, the grammar here presented -- while completely 
unambiguous in its individual rules -- makes provision for at least one 
collateral variant as covered by 15, 57 note, 79 note, 97, 116 note, 134 
end of introductory note, 148 note."

Illo deberea dicer "(...) as covered by §§ 15, (...)"

A assi in sequentia per tote le paginas.

Si tu non lo ha in tu claviero, tu pote dactylographar ALT+0167, o adder 
in le HTML un de iste codices: "&#167" o "§". (Apparentemente le 
symbolo que nos appella "paragrapho" in Brasil es appellate "section" in 
le SUA.)

Pro altere codices HTML de characteres, vide:

http://www.sandia.gov/sci_compute/iso_symbol.html


2. Corrige le texto: "Returna al pagina de entrata" in tote le paginas. 
Illo debe esser "Retorna (...)".


3. Pro alcun motivo le ligamines "SUPRA" non appare in le mesme stilo 
(fonte, grandor) que le ligamines "Retorna al pagina de entrata" (al minus 
in mi Internet Explorer 5.x).


4. Crea ligamines pro le referentias de paragraphos e notas. P.ex., in le 
texto supra "(...) as covered by §§ 15, 57 note, (...)", le "15" poterea 
esser un ligamine al paragrapho 15, e "57 note" poterea esser un ligamine 
al nota del paragrapho 57. Assi le lector non deberea cercar le referentia 
manualmente.


A revider!
Ensjo.