Car Amicas e Amicos,
qual emotion io ha probate in iste ultime medie hora!
Io es in mi studio e io naviga in internet.
Sona le telephono portatile que io tene frequentemente active.
Qui es al altere latere del filo?

Ingvar Stenström!!!!!

Ingvar me telephonava del Svedia e exordiva in iste maniera: "Assi tu non 
potera plus dicer que tu non habeva un conversation telephonic in Interlingua!"

E como io pensava io debe haber facite un belle mixtura de interlingua e de 
terminos italian, que io "interlinguisava" al instante.

Ma nos intendeva nos!

Si uno me haberea telephonate in francese o in anglese, io haberea habite 
le panico.
Ma le svedese Ingvar usava interlingua e io comprendeva toto.

TOTO!

Como io habera respondite a Ingvar, isto es un altere cosa. Io era 
emotionatissime.
Qual initiativa per Ingvar!

Io comprendeva que le tempore passava, ma io non voleva interrumper le 
conversation. "Pote telephonar te io, Ingvar?
Ille condescendeva.
"Io trova le numero in le signatura in tu messages al Interlng, nonne?"

Assi terminava mi prime telephonata.
Le numero . . . io non trova plus un message per Ingvar!!!
Vos debe saper que de alcun menses io controlla le posta a mi domo.
Ma no! Io trova anque in mi studio un message per Ingvar del maio passate.
00460340 No! me dice un operator "virtual" del compania telephonic, 
controla melio.
Forsan le 0 del districto.
Io reproba: 0046340. . .
Hallo Ingvar? e nos face un altere belle conversation e passa le tempore.
Ingvar me dice: io non vole gravar tu conto telephonic!

Io rege le conversation ancora alcun minutas.

Nos ha conversate re multe themas.

Al fin io diveva a Ingvar: Nonobstante le annos passate tu voce me recorda 
illo del cassetta de tu curso. Nos non cambia!

- Un saluto a Janne!
- Io le sentira deman.

Ancora un vice io debe regratiar Jan Årmann. Sin su adjuta initial io non 
haberea practicate interlingua, ni io haberea cognoscite Paolo Castellina 
qui con su vocabulario resultava pro me determinante.

Ingvar, qual surprisa!

Amicas e Amicos, iste postmeridie io visitava de novo le pagina que hodie 
nos signalava Paolo. Io ha probate a connecter me, ma Paolo mesme debe 
esser connectite.
Nos debe practicar interlingua con le conversation. Illo es un altere cosa. 
Illo es un cosa meraviliose.
Io spera que alcun de vos facera un proba anque como io recommendava  iste 
matino.
Vos debe valutar que nos pote conversar al costo del connection a internet. 
In Italia anque con US$3.00 al mense in le horas del nocte e con US$20.00 
al mense 24/24 horas, ambes sin absolutemente altere costos telephonic.
Per favor, face me altere surprisas.

Gratias e ciao,

Mario