>From: Kjell Rehnstrom <[log in to unmask]>

>In svedese nos ha le termino _stomi_, debe esser lo mesme. In iste caso ego
>comprende que es (al minus partialmente).
>
>Bon reconvalescentia!
>
>Kjell R

Ciao Kjell,
un primavera vermente diverse illo de iste anno; antea io faceva longe
promenades in le ripas del Adriatico, usque a 20 kilometros al dies e,
forsan, iste exercitio me ha salvate; postea io es precipitate novemente in
le hiberno le plus gris. Totevia ora io jam ha initiate breve promenades con
le adjuta de un baston, e le tempore, un poco subtono pro le saison, me
consenti de reconsiderar como es belle iste saison.
Anque le 43 grados al interno de mi domo turre es un bon exercitio pro
reprender le normalitate.
O forsan es io qui desira le normalitate comocunque.
Al fin nos resta le centro de nos mesme, sempre e comocunque.
Per exemplo, io me ha ponite plus vices le demanda: que ha tu pensate in
illo momentos? Ben! Io non ha jammais trovate un responsa e forsan io ha
pensate a nihil de proposito. Il es sempre surprendente como nos reage al
eventos. Forsan justo como al mutationes del tempore atmospheric que face
illo que illos vole, sin jammais nostre partecipation, al minus cosciente.
Le sole continua a entrar de mi fenestra, e isto es toto illo que ha
importantia.
Ciao,

Mario


_________________________________________________________________
Invia e ricevi la posta di Hotmail sul tuo cellulare: http://mobile.msn.com