Mario Malaguti wrote:
> Scribe Walt
>
> > Il me place de vider de nove tu nomine super le lista iste dies.
> >
> > Stavo pensando di te.
> >
> > Sincermente,
> > Walt
>
> Gratias! Gratias a Walt e al altere amicos que me recordava.
> A vices io pensava de scriber reguardo iste mi dies. Altere vices io pensa
> que scriber, pro me, durante iste dies, pote haber un aspecto troppo
> personal. Le realitate es vermente un aspecto extrememente personal de
> rehabilitation al functiones fundamental del viver. Il pare impossibile e,
> totevia, durante iste ultime septe menses io habeva interrumpite un function
> natural. Ora io lo possede novemente e, il pare incredibile, uno se pone
> como in un position de attender.
>
> Sabbato passate io jam poteva participar al fundation del un libre
> association inter le medicos, le paramedicos, le personas qui porta un
> stoma. Iste association se propone localmente le intensification del
> reportos pro render le plus supportabile possibile iste condition de viver,
> momentanee in le casos plus fortunate, como in mi caso, definitive in multe
> altere casos. In le hospital de mi citate le casos es proxime a uno al dies
> e, il pare impossibile, le latere chirurgic generalmente non presenta plus
> problemas. Illo que on debe vincer es le latere psychologic, o alteremente,
> acceptar su nove condition.
> Le medicos pensa que le adjuta per le personas qui ha jam superate lor
> problema potera revelar se de grande utilitate.
> Io ha declarate mi disponibilitate, assi ora io pertine al Committee
> (Comitato) directive de iste association local que ha representationes in
> tote le territorio national e, obviemente, in illo international.
> Io spera de haber le capacitate de adjutar le personas, como le alteres
> adjutava me.
Salute Mario!
Io me gaude de vider te in action de novo! Ha il un organisation national in
Italia pro personas con stoma?
In Svedia il existe Svenska Stomiförbundet, Le Federation Stomia de Svedia. Io
pote adjutar te con le contactos con illes, si illo te interessa...
Kjell R
|
