J Dobkin wrote:

> Mark Twain (le pseudonymo del americano Samuel Langhorne Clemens,1835-1910);

Ego ha a ci a casa un libro satiric de Twain ubi ille describe multo amusantemente le baroc imaginationes que le humanos ha re le celo, ubi humanos, qui non sape cantar, subito va cantar in eternitates de
eternitates!


> e Abbie Hoffman (alsi american, le author de libros como "Revolution for the Hell of It" e
> "Steal This Book").

Isto sona interessante. Ego debe vider si nostre bibliotheca municipal ha ille libro.


> Felice Dia de Anglophone Scriptores Satiric!

Le 30 de novembre pro nos svedeses es le die quando le capites cutanee (anque appellate skinheads) in Svedia celebra le assassination al rege Carlo XII, quando ille faceva su ultime campania militari a
Norvegia.

Isto es un longe historia. Il comenciava per isto que circulos conservative celebrava le die de su assassinato. Postea iste celebrationes apprendeva un certe tono xenophobic, ani-immigrante, et agitate per
le medios massive le "celebrationes" era le plus importante cosa in mesme medios. Si appellate _antiracialistas_ qui voleva batter se, habeva un excellente occasion combatter.

Il basta pro le sage humanos remaner a casa....

Per le morte de Carlo XII finiva le tempore de grande potentia pro Svedia. Il era un troppo micre population que habeva un grandissime armea. Un tal armea como le svedese non poteva esser pacific, proque
illo haberea devastate tote le poprie pais, et debeva pro isto esser foras del pais. Ma le guerras que Svedia menava in le 17e seculo costava enorme summas et le vita de humanos.

Multe personas deveniva enormemente ric, e nos pote nunc admirar lor collectite richessas in plure castellos in Svedia, sed por le resto del populo le tempore de grande potentia significava fame, segregate
familias, pestilentia! Toto finiva in un quasi silente anticlimax con un non-toto-sage Frederico I.

Ancora como infante ego me memora haber cantate:
Carlo dece-duo habeva centos milles de soldatos
/ancora un vice/
quando ille marchava al avan-ti-a.

Le mesme cancion existe anque in re Napoleon Buonaparte.

Cellus reminiscente