Scribe Julio Dobkin <[log in to unmask]>

>Ante duo septimanas, io mesme (in un de mi frequente visitas al
>NYPL Mid-Manhattan Branch) ha habite in mi mano e le IED per Gode
>e Blair, e "Interlingua a Prime Vista," un parve libro introductari
>per Gode!
(. . . )
>-Julio (qui pote cercar pro altere libros in le biblioteca, si
>vos vole...)

Como un idea provoca un altere idea.

Io ha passate un vita a colliger papiros e libros, pro le major parte de
natura professional. Ora io ha le problema de seliger un maniera de
continuar a conservar mi papiros e, secundarimente, mi libros.
A vices Julio scribeva, si io non rememora mal, que ille utilisava le
computer de un scructura public. Ora ille scribe re su frequente visitas al
NYPL.
Isto me pone un motivo de comparation que io amarea approfundar perque io
crede de discoperir un profunde diversitate inter illo que io faceva,
probabilemente in ration que io debeva disponer de adequate spatio destinate
a libreria e archivo, e illo que, probabilemente, es le realitate per Julio
qui, forsan e si io non comprende mal, non dispone de adequate spatio.
Io in le passato jam me poneva iste question. Illo pare un aspecto simplice
o de poc importantia, al contrario illo debe reflecter un ver e proprie
differente maniera de viver.
De un parte probabilemente Julio habera habite un continue exigentia de
cambiar su residentia, de mi parte nonobstante anque io es al mi septime
loco de residentia, le ultime del 1979, io crede de haber sempre habite un
large disponibilitate de spatio. E in plus io ha exercitate un libre
activitate professional que comportava le disponibilitate de altere adresse
e spatio a mi complete disposition.
Si io face un reflexion io perveniva anque a 750 metros quadrate inter mi
prime, secunde, a vices tertie domo e in plus mi burreau, pro le sol parte a
me reservate.
Ora que io me ha retirate comocunque io dispone de un domo de 220 metros
quadrate e de mi ultime studio con altere 130 metros quadrate.
Un exaggeration!
Totevia in iste locales io ha mi 'cosas' e io senti que il serea arrivate le
momento de renunciar a multe de illos, comocunque isto serea un ulterior
renuncia. Retirar se de proprie activitate, recercar un substituto de
interesses como io face actualmente, face comocunque parte de un vita e isto
non es un solution simplice de decider.
Vide tu Julio ubi me portava le facto de apprender que tu frequenta le NYPL
quando io vive in un specie de libreria private.
Como tu scribeva, le contacto physic con le libro, ha un su fascino. Si a
isto tu considera que mi archivo es componite per le papiros que io scribeva
in plus de trenta annos, sin considerar mi collection de designos e affines,
forsan tu pote comprender mi attual problema: eliminar tote isto!
Io prefere postponer iste decision.
Cognosce vos le arte del papiro macerate? Italiano cartapesta, francese
papier-ma^che'.
Io ha pensate a iste solution. Il serea un altere modo de viver mi annos
futur. Io ha abundante materia prime!

Ciao,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp