Car amicos e compatriotas,

            Gania Interlingua un motor de alte potentia e remarcabile functionamento: le extraordinari idealismo e le incommun disposition al labor de Josu Lavin!

            Le idea vehiculate per le *Manifesto pro le Compatriotismo Planetari*, pro le fundation de un *Patria sin Frontieras* ubi le idioma  auxiliar neutre pote esser e Interlingua e Romanica, es alique que debe resultar in grande beneficio al dynamisation del movimento interlinguista (e romanichista, naturalmente), per un insimul de actiones intelligente e ben coordinate, inspirate por un persona de un tal nivello, de un tal capacitate como Josu.

            Io preca de tote mi corde le communitate iinterlinguista de non recusar iste vantagiose alliantia al communitate romanichista, que dispone non solmente del figura admirabile de Josu Lavin ma anque de altere membros de altissime expression (io crede que io non necessita nominar les aqui), cuje participation effective in le disveloppamento de iste nobile ideal, de iste NOVE IDEA, essera fundamental al successo de ambe le *movimentos*, que debe funder se in un sol MOVIMENTO que non se preoccuparea de minor questiones re le grammatica e le formas de parolas si facilemente comprensibile per totes le COMPATRIOTAS PLANETARI.

            Que nos signa in massa le *Manifesto*! Que nos signala le initio de un nove era, digne de un nove millennio!

            Compatrioticamente vostre

Carlos Alberto Santos
Aracaju - BRASIL

--
Archivos e disabonar: http://listserv.icors.org/archives/INTERLNG.html