Al gruppo de novas talk.politics.european-union io discoperiva alcun
annuncios del Socialistas in le Parlamento Europee, preparate per
Tony Robinson. Io ha traducite illos in interlingua. Le annuncios es
pro reporteros del pressa e es typic del linguage europarlamentari.
Le sequente es un exemplo del edition le plus recente, le novembre 23:
EXCERPTOS DE EURO MP IN INTERLINGUA
Per Tony Robinson
Traducite a Interlingua per Stanley Mulaik
DISCUSSION SUPER IMPOSTOS
Socialistas del UE va discuter le politica de impostos a discussiones a
tabula rotunde in Brussels mercuridi le 25 novembre.
Le discussiones - organizate per le Gruppo Socialista con le Partita de
Socialistas Europee e le Partitas Socialista de Belgica - va haber loco
de 09.00 a 16.45 al Confederation International de Syndicalistas Libere,
155 Boulevard E. Jacqmain, 1210 Brussels.
Phillippe Busquin, leader del PS partita, qui preside super le partita
laborante de impostos del Partita de Socialistas Europee, va commenciar
le discussion insimul con Fred Erdman, leader del Partita Socialista Flaminge
e le Gruppo Socialista adjuncte leader Hannes Swoboda.
Duo themas pivotal essera adressate - 'Le imposto corporate e capital' e
'Transferente le imposto pro plus empleo e le disveloppamento sustenibile.'
Le social democrates german va presentar "Le nove german reformas fiscal e
le arrivata del Presidentia German del Consilio del UE.
Le ministeros de financia nederlandese e finnese va esser intra le
participantes in le discussion insimul con representativos syndical de
Danmark e Belgica e politicos e avisores governamental de altere paises
del UE.
THEMAS PRO DISCUSSION
Le tabula rotunde super impostos es le plus recente in un serie de
discussiones del politica habente loco in partes differente del Union per
Socialistas Europee.
Le Partita de Socialistas Europee, le EP Gruppo Socialista e le partita
social democratic finnese ora organiza un discussion a tabula rotunde
super 'Le relationes inter le UE e Russia.' Aqueste meeting - le 30 novembre
al Hotel Kalastajatorppa - va involver finnese Prime Ministero Paavo
Lipponen e ministero de affaires estranier Tarja Halonen.
Un altere tabula rotunde - super 'Causar le Europa a devenir plus proxime
al cititanos' - va haber loco in Saarbruecken, Germania, le 7 decembre.
Leader de SPD Oskar Lafontaine e le prime secretario del Partita Francese
Socialista Francois Hollande va esser intra le participantes.
Le Presidente de PES Rudolf Scharping va commenciar le discussion a
Saarbruecken ubi propositos pro 'Le action commun pro le empleo e le
justistia social' e 'Reformas pro plus transparentia e participation' essera
discutite.
LE ROLO SUISSE DE PAULINE
Leader del Gruppo Socialista, Pauline Green, va participar in le session del
Consilio del International Socialista in Geneva lunedi le 23 de novembre in
su rolo como le Vice-Presidente del IS.
Le discussion al Palais de Nations va includer le crise global financial e
questiones del pace.
Le Prime Ministero portugese Antonio Guterres va introducer un discussion
super "A regular le globalization e a globalizar le regulation'. Discussion
del pace va includer le Medie Oriente, le Grande Lacos, e Kosovo.
ROLO DE BANCA
Le vice-presidente del Banca Europee de Investimento Panagiotis-Loukas
Gennimatas va presentar un declaration al committee tote-partita de affaires
regional a 11.15 jovedi le 26 novembre.
Sr. Gennimatas va discuter con le europarlamentarios le activitates de
regional disveloppamento del BEI le anno passate.
Le portavoce del Gruppo Socialista in le committee es Labor europarlamentaria
Arlene McCarthy.
MONEY FOR EU
Le committee budgetari de tote partitas va haber un audientia public super
le systema de proprie ressources del UE de 15.00 lunedi le 23 novembre in
le Edificio Leopold.
German social democrate Jutta Haug va preparar un reporto super le question.
Professores universitari invitate a presentar evidentia al audientia include
Helen Wallace de Sussex, Paolo Cecchini de Perugia, Klaus Gretschmann de
Aachen e Ian Begg del Sud Banca, London.
National parlamentarios, expertos del Corte de Auditores e Commissioner
Europee Erkki Liikanaen equalmente va participar se.
Un conferentia de pressa e reception va haber loco a 18.30 post le
audientia.
HEINZ PROTEGER LE GALLINAS PONENTE OVOS
German social democrate Heinz Kindermann va presentar un reporto super le
protection de gallinas ponente ovos al committee de tote le partitas de fermas
martedi le 24 novembre. Un directive de dece annos super varie systemas
de elevar le gallinas es sub revision.
ORGANISMOS GENETICAMENTE MODIFICATE
Un examination de regulas UE super le organismos geneticamente modificate e
lor liberation deliberate al ambiente va esser le topico de committees PE
aqueste septimana.
Labor europarlamentario David Bowe va presentar su provisional reporto al
committee del ambiente martedi le 24 novembre. Le committee de tote le
partitas de fermas conveni a 09.00 jovedi le 26 novembre pro discuter su
contribution al reporto.
Belge Socialista Jose Happart prepara le opinion del committee de fermas.
VOTO SUPER LE CRISE FINANCIAL
Europarlamentarios va votar super un reporto del crise global e monetari
e su impacto super le economia UE aqueste septimana.
German social democrate Christa Randzio-Plath, qui preside super le
subcommittee monetari del PE, va presentar le reporto al committee
economic e monetari de tote le partitas martedi le 24 novembre.
LE FALTA DEL ANNO 2000
Labor Leader in le PE Alan Donnelly va presentar un reporto super le
problema de computator del anno 2000 al committee economic e monetari.
FRONTIERAS
German ministero del interior Claus Hennig Schapper va presentar un
declaration super Schengen al committee de libertates civil a 15.30
lunedi le 23 novembre.
Le declaration essera sequite per un discussion de tres questiones de
Schengen - le programma del Presidentia Schengen, adoption del actos
Schengen in le Union Europee e association de Islanda e Norvegia con
le region Schengen.
Belge Socialista europarlamentaria Anne Van Lancker, un experto del
committee super Schengen, va conducer le discussion.
LECTIONES DE VACCAS DEMENTE
Questiones del securitate de alimento essera examinate como le resultato
del crise del vaccas demente a un conferentia de duo dies organizate
junctemente per le Parlamento Europee e le Commission.
Le conferentia super 'Le Union Europee e le Securitate de Alimento -
lectiones apprendite del crise BSE' commencia a 15.00 lunedi le 30
novembre. Illo continua le proxime die de 09.00 a 18.30.
Quatro themas tractate in le discussiones - aviso scientific e recerca;
consequentias pro le agricultura e le alimento; consequentias pro le
protection del consumitor, controlo e le securitate de alimento; e le
implementation de recommendationes del PE e mesuras pro le futuro.
Contactos socialista super le maladie de vaccas demente include le
Gruppo portavoce super politica de consumitores Dagmar Roth-Behrendt de
Germania, presidente del committee del ambiente Ken Collins de Scotia,
previe reporter del Maladie de Vaccas Demente Manuel Medina de Espania,
e Labor europarlamentario Phillip Whitehead.
COPYRIGHT
Le committee de affaires legal va tractar le harmonization de aspectos
de copyright in le Societate Informational mercuridi le 25 de novembre
de 15.00.
Italian Socialista Roberto Barzanti - portavoce del Gruppo super affaires
legal - es le autor de un reporto europarlamentari. Le committe va discuter
emendamentos detaliate al propositos.
Al mesme session, le committee va tractar un reporto super le proprietate
intellectual.
EXPORTOS DE ENERGIA
Prospectos pro exportar le technologia del energia renovabile es adressate
in un reporto per german social democrate Dietrich Elchlepp. Le reporto
essera adoptate al meeting del committee del commercio estranier martedi
le 24 novembre.
LE CONSILIO E LE COMMISSION IN COMMITTEE
Ministero estranier austriac Wolfgang Schuessel va reunir se con le committee
de affaires estranier a 9.30 mercuridi le 25 novembre.
Le Presidente del Consilio agricultural, Wilhelm Molterer habera discussion
con le committee de tote le partitas super agricultura e le disveloppamento
rural a 9.00 le mesme die. Le Presidente del Consilio del disveloppamento
Benita Ferrero-Waldner va reunir se con le committee del disveloppamento a
16.30 martedi le 24 novembre.
Le commissario de transporto Neil Kinnock va excambiar punctos de vista super
le tempore de labor, le securitate de stratas e altere questiones quando
ille se reuni con le committee de transporto del PE lunedi le 23 novembre.
Le vice-presidente del Commission Sir Leon Brittan va reunir se con le
committee de affaires estranier a 16.30 martedi le 24 de novembre. Ille
va reunir se con le committee de commercio estranier de 15.00 a 16.30
mercuridi le 25 novembre.
Le commissario de energia Christos Papoutsis va presentar un declaration
al committee de recerca a 09.30 jovedi le 26 novembre. Commissario
Hans van den Broek va participar in un debatto super le securitate nuclear
in Europa central e est al committee de controlo budgetari le mesme die.
RECERCA PISCINE
Maricultura in ranches del mar essera le topico de discussiones per le
committee de pisca a 09.00 jovedi le 26 novembre.
Rudy de Clerck, chef de devision al station de recerca de pisca, Ostend,
va presentar un declaration super maricultura in ranches del mar e
le renovation de stock. Postea James Muir del Instituto Sterling de
Aquacultura va presentar le resultatos de un reporto de recerca super
le piscicultura libere in le mar.
IN LE DUCTO
Le committee de budgets va appunctar autores a reportar super le retes
transeuropee e super le mesuras a intensificar le union de disdoanamento
UE-Turchia. Le committee, con presidente social democrat Detlev Samland,
va reunir se de 15.00 lunedi le 23 novembre.
STANDARDS PRO FERIAS
Le propagandista pro le securitate de campos de feria, Anita Pollack, urge
le Commission a constatar minime standards pro le inspection regular de
amusamentos.
In un question parlamentari, illa da le ben venite a un decision del
Commission a demandar le Organizationes de Standardization Europee a
preparar un standard europee pro specificationes technic del equipamento
de campos de feria.
Mais illa dice, "le puncto crucial' es inspection regular 'pro assecurar
que le securitate es observate tote le tempore.'
DISCUSSION MAJOR
Un session juncte del committee del PE del commercio estranier e le
committee del Consilio de Europa super questiones economic e disveloppamental
va haber loco mercuridi le 25 novembre in Brussels.
Duo themas va tractar se - le alargamento del UE e le consequentias del
UME super paises que non es membros del UE.
Le committee de libertates civil del PE va reunir se con representativos
de committees contraparte in paises que se applica al UE in un ronde
separate de discussiones. Le discussiones de libertates civil commencia
a 15.00 martedi le 24 novembre e continua a 09.00 mercuridi le 25 novembre.
PUB QUIZ
Le branca del Partita Labor Irlandese in Brussels va haber un soiree a pub
quiz a Sin E, rue Breydel post 20.00 mercuridi le 25 novembre.
* * * * *
Interlingua es le lingua auxiliar de Europa, extracte scientificamente
per linguistas professional in le 1940s del linguas major de Europa. Illo
representa le vocabulario international in aqueste linguas standardizate
secundo le prototypos etymologic del parolas international in le linguas
varie.
Pro plus informationes super interlingua va a www.interlingua.com
>>>>>>>>>>
Stan Mulaik
|
