Marciano Schaeffer scribeva:

> [...] interlingua poterea ocupar un loco que nec le esperanto
> hodie ocupa! Esperanto habe multa literatura sed non es
> autoritate nel campo filosofic e teologic! se le academias
> filosofic e eclesias cristian discoperir interlingua, de iste
> modo io vide un futuro interessante pro interlingua, como ha
> habite le latino! sed es necessario unir plus le efortios e
> usar le fortias pro atingir le fin comun.

Stefano Bakonyi, in "Civilisation e lingua universal"
( http://www.interlingua.com/zip/bakonyi.zip ) ha prophetisate
que interlingua devenira le latino nove del Ecclesia
Roman-Catholic. Un notion tentative. Interlingua serea un lingua
de importantia major.

Ma como deberea disveloppar se le affaires pro que le vision de
Bakonyi devenira realitate? Al presente, le latino es sempre le
lingua official del Vaticano, ma in practica, le italiano es
devenite le lingua de labor. Un curso que ha intensificar se
durante le regno del pope actual.

Le latino ha su function ritual in le servicio divin, ma iste
function se diminue. Debe le catholicismo modernisar se, o
retornar al tradition? Le latino non es un lingua apprehensibile
generalmente. Ma juste isto es le fortia del latino. Il dar le
lingua un aura sacre. Debe le catholicismo usar un latino
moderne, le interlingua, e remove le ultime senso de mysterio
del classicismo ex le missa? Io crede non. Le catholicismo debe
cultivar le mystic ancian. Su base de existentia non es le
austeritate insipide del protestantismo.

Qui sape, il haberea un episcopo con un interesse pro
interlingua..

Naturalmente, le esperantistas crede que tote le mundo debe
parlar esperanto, e illes ha presentate esperanto como le latino
nove per le ecclesia:
http://home.t-online.de/home/Ulrich.Matthias/latin_en.htm
Esperanto appellate latino... isto vermente discorda!

--
Peter Kleiweg
http://www.let.rug.nl/~kleiweg/