Salute,

Iste weekend passate mi amico e io faceva un visita a
Nashville, Tennessee, un viage de 3.45 horas de Lexington,
Kentucky, SUA.  Durante nostre visito a Nashville, nos
visitava le replica del Parthenon.  Ecce alicun information
super le structura e varie photos que io faceva.

Paul


Le Parthenon
Le Parthenon sta fermente como le attraction principal del Parco Centennial,
le prime parco urban de Nashville, Tennessee.  Le re-creation del
statua de 42 pedes de talia de Athena es le centro del Parthenon justo
como illo esseva in Grecia ancian.  Le edificio e le statua de Athena
es ambe replicas de plen scala del originales in Athenas.

Construite originalment pro le Exposition Centennial 1897 de Tennessee,
iste replica del Parthenon original in Athenas serve como un monumento a
lo que se considera le pinnaculo de architectura classic.  Le replicas
de gypso del marmoraris del Parthenon trovate in le Naos es formas directe
del sculpturas original le qual adornava le pedimentos del Parthenon
athenian,
del annos tanto lontan como 438 a.e.c (ante le epocha commun).  Le
originales
de iste fragmentos potente se immagazina in le Museo Brittanic in London.

Le Parthenon anque serve como le museo de arte del citate de Nashville.
Le foco del collection permanent del Parthenon es un gruppo de 63 picturas
per artistas american del seculos 19 e 20 donate per James M. Cowan.
Spatios additional del galleria provide un loco de monstra pro un varietate
de monstras provisori e exhibitiones.

Athena Parthenos ha 41 pedes 10 uncias de talia.  Il ha circa 12 uncias
inter le culmine de su casco e le trabes del tecto.  On estima su peso
a esser 12 tonnas.  Le statua de Nike, le dea de victoria, in le mano
dextre de Athena ha 6 pedes 4 uncias de talia.  Nike tene in mano
un corona de folios de lauro (le corona de victoria) in preparation
de coronar Athena.


Le Projecto Athena
In le decennio de 1920 on reconstrueva le Parthenon como un replica
de plen scala del Parthenon ancian con un grande exception.  Le statua
colossal de Athena del epocha ancian non essave in iste replica.  In
1982, le citate commissionava Alan LeQuire a construer un replica de
plen scala de Athena Parthenos.  Tosto postea, un gruppo de citatanos
interessate formava le Fundo Athena.  Comenciante con fundos se
accumulava per le annos de nickels e decimas de pueros scholar e
touristas, le Fundo Athena cresceva rapidemente per donationes
private e commercial.

Le Artista
In 1982 septe sculptores submitteva propositiones pro recrear le statua de
Athena in Nashville.  Alan LeQuire ganiava le commission a causa de
su habilitate e fidelitate a precision.  LeQuire frequentava le Universitate
Vanderbilt e recipeva su MFA (diploma de Maestro de Belle Artes) del
Universitate de Carolina del Nord, Greensboro in 1981.  LeQuire,
un nativo de Nashville, comenciava su viage per recercar le
statua de antiquitate.  Lo que nos sape de le statua de Athena del
Parthenon ancian es aliquanto limitate.  Le statua de auro e ebore
dispareva ante 400 d.e.c (del epocha commun) dunque documentation
historic es breve, ma illo existe.  Additionalmente, LeQuire
dependeva super scholares classic moderne pro le information
archeologic le plus recente.

Le Sculptor Original

Pheidias, le sculptor optime de antiquitate classic, construeva le
Athena Parthenos super un skeleto de ligno con un pelle de ebore
e vestimentos de auro.  On disvelava e dedicava le statua in 438 o 437
a.e.c.  Nos pote depender super iste dato bassate super le contos del
construction del templo.

Altere fonte es equalmente importante.  Pro examplo, il ha autores
ancian, tal como Pausanias, qui referreva al statua de Athena in lor
scripturas.  Athena appare super le numismas athenian del seculos secunde
e prime a.e.c.  Plus tarde, Romanos copiava le statua in parve scala.
Mesme hodie in le Acropolis on pote vider le contorno de base del
statua in le pavimento del Partheono.  Tote le evidentia se culminava
in le Athena de LeQuire.

On construeva le statua de Athena inter 1982 e 1990.  Illo stava in le
Parthenon de Nashville como un statua blanc pro 12 annos.  In 2002, le
Parthenon cargava Alan LeQuire e Lou Reed con aurar le statua.  Le
projecto de aurar requireva minus que 4 menses e face que Athena
pare plus similar al Athena Parthenos ancian.  In addition al aurar,
le projecto includeva le pinger de detalias in su facie, vestimentos e
scuto.


http://www.geocities.com/paul_lecorde/parthenon/athena2.jpg

http://www.geocities.com/paul_lecorde/parthenon/nike.jpg

http://www.geocities.com/paul_lecorde/parthenon/paul.before.athena.jpg

http://www.geocities.com/paul_lecorde/parthenon/sheild.from.back.jpg

http://www.geocities.com/paul_lecorde/parthenon/shield.front.jpg


Architectura del Parthenon
Le Parthenon in Athenas se sculpeva ex marmore pentelic e su construction
de bricca, petra e beton requireva approximativemente 10 annos. Le
construction in Nashville requireva quasi 10 annos (1921-1931).
Le Parthenon ha 65 pedes de talia a su apice.  Le peristylio consiste
in 46 colonnas doric, 17 per latere e 6 al anterior e posterior.
Le interior del Parthenon se divide in duo cameras.  Le camera oriental
se appella le Naos e es le domicilio del statua de Athena.  Le Naos ha
93 pedes de longor e 63 pedes de largor e ha un colonnada de duo etages
circa tres latere.  Le camera occidental es 44 pedes de longor per 63 pedes
de largor e se appella le Camera del Tresoreria.  In antiquitate iste
camera esseva le domicilio del tresoro de Athenas e le Liga Delian.

Statistica del Parthenon de Nashville
Cata uno del portas de bronzo pesa 7.5 tonnas.  Illos mesura 24 pedes
in talia, 7 pedes de largor e 1 pede de spissor.  Il ha duo pares de iste
portas
enorme in le Parthenon.  Illos es le par le plus grande de portas similar
in le mundo. Le portas del Parthenon ancian esseva solmente un poco plus
legier e esseva de ligno con un copertura de bronzo.

Como le de Grecia, le Parthenon de Nashville affronta le est.  In
antiquitate
isto permitterea que luce entra le edificio quando le sol se leva e le
portas se aperiva.  Usque 1988 visitatores entrava le Parthenon de Nashville
per
le portas al latere occidental del edificio.  Visitatores actualment debe
entrar le latere oriental del edificio al nivello del trottoir.  Le grecos
ancian considerave le faciada oriental esser le fronte del edificio.


http://www.geocities.com/paul_lecorde/parthenon/parthenon.rear.frieze.JPG

http://www.geocities.com/paul_lecorde/parthenon/parthenon.side.JPG

http://www.geocities.com/paul_lecorde/parthenon/brad.and.paul.parthenon.jpg

_________________________________________________________________
Find high-speed ‘net deals — comparison-shop your local providers here.
https://broadband.msn.com