> -----Original Message-----
> From: INTERLNG: Discussiones in Interlingua
> [mailto:[log in to unmask]] On Behalf Of Allan Kiviaho
> Sent: Sunday, June 13, 2004 12:24 PM
> To: [log in to unmask]
> Subject: Re: [INTERLNG] Anglese como inimico?
>
> d[040613] x[Kiviaho Allan] z[KivA-46Ckk] r[WimP-46B]
> s[Re: Anglese como inimico?]
>
> Estimate interlinguistas!
...
> Isto es exactemente que io vole facer e face. Io pensa que
> nostre GRASia (GRAnde Strategia de InterlinguA) es facer
> interlingua le sol lingua pro cosas practic in le Union
> Europee e simultaneemente salveguardar le ricchessa de
> culturas national e regionel europee. Le prime scopo es que
> omne citatano del Union Europee debe maestrar interlingua
> equalmente ben que su lingua materne.
>
> Le secunde scopo es facer interlingua le sol lingua in Ameria
> (AMERica que parla InterlinguA - i.e. America
> roman) - le nationes amerian non vole devenir un colonia del
> Statos Unite.
>
> Le tertie scopo es facer interlingua usate etiam in certe
> periferia de Europa.
>
> Io tene lo multo improbabile que le nationes foras le cultura
> europee (greco-roman-christian) vaderea adaptar interlingua
> como lor "lingua franca" - le peso de peccatos de europeos
> colonisatores es nimis pesate.

Nos ha multe activos.

- Nos ha duo instrumentos miraculose - computatores e Internet. Nos pote
informar le gente super Interlingua multo plus facilemente que antea gratias
a sitos WWW, posta electronic, gruppos de discussion. Nos pote preparar
materiales educational e dictionarios in modo incomparabilemente plus
effective e disseminar los rapidemente e quasi sin costos. Nos pote
excambiar opiniones e experientias in secundas in loco de dies o septimanas.
Alexander Gode haberea potite soniar de tal instrumentos phantastic.

- Nos vive in grande parte in Europa libere e democratic, sin ule confinios
physic, politic e mental. In 1951 Europa viveva menaciate de un guerra
mundial e invasion sovietic.

- Nos ha un lingua de beltate comparabile solmente con le francese o
italiano - sonor e elegante, de facilitate incomparabile con ulle lingua
national, comprensibile per milliones de homines.

- Nos ha un tresor in le manos, le materia prime indispensabile, preste pro
nostre labores - gratias al equipa de A. Gode e gratias a Piet Cleij. Il
suffice solmente prender lo e laborar.

- Il ha homines devote e conscie del facto que on debe esser patiente,
obstinate e consequente. Nos sape que Interlingua es un phenomeno intemporal
e que on non debe hastar. Nulle nostre effortios va perder se e omnes va
profitar in le futuro - non multo lontan, io spera.

Io pensa que nos es vermente homines felice :-)

Pawel