Salute Roberto!
    Como ha vos discoperite interlingua?  In le tela transterrestre?
Vos scribe excellente interlingua.
    A www.interlingua.com il ha un anglese-interlingua dictionario que
on pote discargar as su proprie computator.  Multe de nos usa iste
dictionario per cercar pro le traduction de parolas anglese a in
interlingua.  Il es facile de aperi le archivo de iste dictionario e
alora a cercar le parola per le programma de processar parolas usante
le operation de trovar le parola.  Il es multo rapide.
    In mi labor professional io es un statistico psychologic.  Io
ha inseniate cursos in le statistica multivariate, modellos de
equationes structural, le statistica introductori, e le theorias de
personalitate.  Io es le autor de un libro super le analyse factorial,
e un coauthor de un altere libro super le analyse de causas con
modellos de equationes structural.  Io ha multe interesses philosophic,
e io ha publicate articulos in Philosophia de Scientia super le
historia del statistica explorative como un extension del ideas
fundamental del empiricismo brittanic, super un maniera de extender le
concepto del relation causal como un relation functional al caso de
causalitate probabilistic, e un artiiculo super le origine de
objectivitate como un idea metaphoric in le schemas de perception de
objectos.
    Que es vostre interesse in le operationes recerca?
    Stanley Mulaik