>>>(Ensjo:) Io rememora que in le prime tempores de INTERLNG nos
scribeva messages e finiva con alco simile a "C/S", indicante
"correctiones/suggestiones benvenite".<<<
    *Io rememora > Io memora, Io me rememora [cf. IED]

>>>(Ensjo:) E io non vole dicer que io es un "divinitate omnisciente"
de Interlingua. Io equalmente committe errores, ...<<<

Certo. Naturalmente. Io crede que nos omnes debe recognoscer simile
constatation e conclusion. Le perfection es inattingibile, ma isto non
nos impedi de aspirar a illo.

Il me ha multo gaudite que plures ha exprimite que illes mesmo desira
e apprecia correctiones de lor linguage. Io ipse me junge al choro.

Illo me gaude proque illo exprime un attitude digne e laudabile, e
proque io crede que il es de importantia pro le reputation de
interlingua que gente qui plus o minus per hasardo lo incontra
(interlingua-istas potential) vide que nos ipse tracta iste
instrumento de communication con seriositate convincente. Si nos pro
exemplo assere que interlingua es simple e facile, le effecto de iste
argumento es spoliate si mesmo gente, qui lo ha usate durante multe
annos, face grave e elementari errores in lo que illes scribe
publicamente. In un lista como p.ex. Interlng illes qui contribue
repetitemente deberea esser attente de lor responsabilitate: le
"publico innocente" va considerar les representative e va judicar
interlingua secundo lor "productos".

C/S

Bent