Hodie io e mi sposa habeva le opportunitate a parlar con le matre
de Madeline e a Madeline mesme per telephono.  Madeline es su usual
persona.  Illa lucta con su soror plus vetere (5) de plus, e
parla incessantemente.

Su matre telephonava le officina del piscina a apprender le nomine
del femina qui ha salvate Madeline con le resuscitation bucca a bucca.
Le femina al altere latere del linea diceva que "Aquella es mi
soror affin".  Mi filia affin diceva que illa voleva reunir con illa,
e tosto illa prendeva Madeline al piscina a reunir con le femina.
Le curso de isto es que le femina es le filia de un instructor in
le salvamento de vitas al YWCA local (Juvene Feminas Christian
Association), e illa esseva con su filia (le femina que salvava
Madelina) al piscina.  Le matre invitava mi filia affin a venir
a lor curso al YWCA in como a inseniar tu infante a natar. E mi
filia affin es resolvite a facer lo.

Le femina qui ha salvate Madelina diceva a illa que su proprie
filia, que es 4 (e un nator excellente) ha observate Madeline
stoppar al latere del piscina a un scala a in le pisicina.
Sin su veste de flottation, de que illa ha disvestite se a
partir del piscina, Madeline justo ambulava a basso le scala in
le aqua!  Quando illa non retornava al superfacie le pueretta
qui la observava diceva a su matre "Mama, le pueretta es a
basso in le piscina e non ha retornate al superfacie."  Su
matre observava Madeline qui non moveva al basso, e exclama,
"Un baby es al basso del piscina!"  Alora illa ha saltava in
le piscina e ha recovrate Madelina.  A causa de su proprie matre
illa sapeva le technicas de resuscitation e esseva capace de
reinitiar le respiration de Madeline.

Io crede que Madeline vole apprender como a natar.  Illa ancora
ha necun timor del piscina!  Possibilemente illa ha vidite le
pueretta qui es un nator excellente e volveva imitar la. Le
episodio post retornar del hospital ubi Madeline batteva le aqua
e exclamava a su matre, "Mama, vide que io nata!" es un clave
a su motivation.

Il ha essite un de aquelle experientias in que on apprende
un importante lection de vita, e fortunatemente sin un ver
tragedia.  Io es certe que mi filia affin va reguardar Madeline
plus systematicamente in le futur.

Stan