Salve omnes!
 
Si, il ha norvegianos in iste lista - le ration que io non ha scribite desde multe tempore es que mi labor ha essite tanto demandate que io non trova le tempore pro scribere - ma como vos vide io lege le letteras (si io ha assatis tempore). Como mi fratre nominal in Svedia ha scribite le linguas Scandinave son realmente dialectos. Nos pote comprender nos sin troppo grande difficultates.
Le ration que il ha tres (o quatre) linguas Scandinave es historic e politic - e non liguistic! Pro seculos nostre patres luctavan inter illes, sin grande resultatos, ma con tragedias humanos e odio como resultatos. Hodie, gratias a Deo, iste es historie e nemo pote imaginar se que nos non serea amicos in le futuro.
Re le practica del interlingua io multe vices parlava i-a con francophones, hispanophones e italianos. E omnes me ha comprendite sin grande difficultates. A vices io debe clarificar un parola, ma iste on anque debe facer quando on parla con un compatriota.
Francophones e hispanophones opina que i-a sembla como un sorte de italiano, ma italianos trova que i-a sona como un dialecto multo stranie que illes comprende sin difficultates ma non pote placiar geograficamente - e omnes trova nostre lingua multo amusante, belle e facil. 
Ma anque io opina que espaniol es plus facil de comprender (specialmente scripte) que italiano ben que le romanophonos trova que i-a sono plus como italiano. Io anque opina que le futuro plus interessante pro i-a es si le romanophones decida que illes vole usar iste lingua pro communication inter se e non (!) anglese.
Io aprendeva i-a proque io non vole solmente como lingua stranie parlar anglese, io ha nulle contra anglese ma io opina que altere linguas anque ha un derecto de viver!

S-mente, kjellt