Mario Malaguti wrote:

> >Hehe! Imagina que occurrerea si nos nos incontrava in realitate! In facto
> >il
> >sembla que le differentias cultural es satis significante inter le populos
> >al
> >sud e al nord del Alpes! Le question es si isto es un false vision de mi
> >latere
> >o si illo ha un fundo in le realitate.
> >
> >Cellus
>
> Le differentia al qual tu face referentia existe in omne localitate e, si
> nos vole, illo constitue un certe fascino e securmente un characteristica
> del locos. Totevia isto tende a modificar se rapidemente ora e isto es
> inevitabile pro le actual mobilitate del personas etsi illo es un perdita de
> individualitate.

Tu ha ration in isto. Probabilemente le expertos complica lo que da se solver
satis facilemente. Il es tanto moderne probematisar le cosas.

De mi curte sojorno in Italia, al qual il quasi non es digne referer se, io
constatava que on mangia in un quasi altere maniera. Al minus pro me il era plus
de delectar se del mangiar in vice de - como io lo face, honestemente - plenir
me per substantial quantitates de mangiar. Isto es quasi mi restante
experientia. Possibilemente il haberea essite melior ir a plus ordinari
restaurantes quam illos al centro de Roma (un multo proxime al Scala de Espania
(pro citar solo _un_ exemplo!) e le tempore faceva como un mal estate in Svedia!

Il era multo fascinante, e io sembla que un poco plus de tempore haberea essite
melior que le 3 dies! que io sojornava in Roma.

Cellus