Car Catriona,

Tu ha ration que le film "The Great Dictator" es multo amusante. Ma iste film genial(facite in 1940) es anque un film serie qui attaccava le fascismo e su natura bellicista.

A proposito, esque tu sapeva que le version complete del film usava Esperanto pro le inscriptiones in le ghetto judeic? On vide tal signos qual "cigaroj", "tabakbutiky" (error pro "tabakbutiko"), "chambroj", "vestajhoj malnovaj" (vetule vestimentos), "hararo-tondado" ( tonsura de capillos), "lipharoj" (mustachio), "legumoj", "terpomoj", "kafejo" e "restoraciz" (error pro "restoracio").

In iste contexto iste lingua international esseva un symbolo non solmente del judeos (su creator Zamenhof esseva un judeo e Hitler in "Mein Kampf" criticava Esperanto como un "lingua del judeos") ma anque del desiderio pro le pace, e talmente le contrario del fascismo.

Cordialmente,

Don



Catriona Chaplin <[log in to unmask]> scribeva:

Chaplin es le nomine de familia de mi sposo (e alora nunc mi nomine). Su
familia non ha facite recercas super iste nomine, ma illes veni de
London e nos sape que Charlie Chaplin veniva de London e habeva
medie-fratres. Il es alora un possibilitate que nos debe investigar!

A proposito, le film de Chaplin "The Great Dictator" es multo amusante.

Post notre maritage, io continuava usar mi nomine previe (MacDermid)
durante cinque annos proque io habeva temor que necuno me crederea si io
usava le signatura "C Chaplin" in le pagamentos e contractos. Ma depost
1997 io ha usate "Chaplin" con placer e sin problemas con le banca!

Salutes,
Catriona


---------------------------------
Do you Yahoo!?
SBC Yahoo! DSL - Now only $29.95 per month!