Il es ver que forsan le car Josu non usa euphemismos... mais io mesmo
crede in le patria europee e io es profundemente felice de saper que il
ha alcuno que, como me, se senti plus un europeo que un (in mi caso)
italiano...

Totevia io da un grande importantia al hereditage cultural national e io
es plus proxime a tu ultime parolas que a los del previe message.
Me place pensar que un die nos potera optar in parlar interlingua o un
lingua national con qualcunque persona.

Per facer un vermente libere selection, nos potera vermente esser  equal
e unite in le differentias, como recita un famose motto pan-europee.
Cultura es richessa, e linguas (e national e supranational) es cultura...

Io vole firmemente que mi filios sera libere de communicar e viagiar sin
ulle problema in le Statos Unite de Europa. Melio serea le creation del
Populos Unite de Europa. Assi io vole dicer que le futur Union non
deberea esser un union de statos, mais de populos (un stato
populo-centric). Mais si nos non pote communicar facilemente, nos potera
jammais appellar nos Populo Europee (in re isto, regrettabilemente, io
es secur).

Assi que nos non spera solmente que un die interlingua sera le secunde
lingua del europeos. Que nos age. E que nos lo face devenir realitate.