>Stan, le statistica e mi ignorantia.
>
>Io hic usa le termino ignorantia como condition de uno qui non sape, non
>cognosce, e non como mancantia de instruction, o como implotessa.
>Stan me recorda mi ultime professor de mathematica e physica, ille se
>nominava Guido Botter e era un homine meraviliose pro su methodo de
>inseniar e pro le cognoscentias que ille habeva. Nos sapeva ben su
>preparation in tote le campos e nos tentava sempre de facer le conversar.
>Isto era le nostre methodo pro prender pausa perque nos poteva haber iste
>professor anque per tres horas de suite e nos debeva suffrer su methodo.
>Illo era: jammais aprir un libro; sempre sequer su rationamento que ille
>antea exponeva con abundantia de particulares e postea, e era isto que nos
>fatigava multo, ille dictava per horas su lection. Assi nos scribeva e
>scribeva e scribeva. Ma anque isto ha un limite al attention e pote devenir
>motivo de distraction. Le themas non era simple e regger illos per alcun
>horas era fatigante.

Io possibilemente es similar in mi methodo de instruction como vostre
professor.  Mais io usualmente prepara manuscriptos de mi lecturas pro
mi studentes, que io seque in le lectura.  Io non pote succeder con tote
studentes.  Alcun studentes pensa de cosas in un maniera multo concrete.
Io es alquanto abstracte, infortunatemente. Mais le subjecto es abstracte.

In Europa le psychologia es multo plus subjective e qualitative que aqui
in le Statos Unite o in Anglaterra.  In le SUA e Anglaterra le
experimentalistas
ha dominate le disveloppamente del campo.  E illes ha essayate a usar le
mensuration, mesmo de valores, attitudes, e preferentias.  Isto se conduce
al quantification e al uso de mathematica pro representar relations inter
variabiles mesurate.  Le methodo del analyse factorial (de que io ha scripte
un major libro) ha como su objecto le discoperta de variabiles non observate
que pote servir como le causas commun de multe variabiles e que explica le
correlationes inter illes.  Isto es le methodologia del discoperta, del
exploration in le statistica.  Mais il equalmente ha le methodologia de
probar theorias de connexiones causal inter variabiles, que es conducte con
le methodo del equationes structural.  Un question importante es "Como
importante es le intelligentia in le facer de certe cosas?"  Debe un
contabile esser multo intelligente pro succeder in su profession?  Pote nos
discoperir qual intelligentia minimal es necesse pro functionar como un
contabile?  Si nos pote establir que esser intelligente es importante pro
devenir un contabile, nos pote adjutar le scholas que insenia le profession
de contabile a selectionar lor studentes.  Non tote applicantes es capace de
devenir un bon contabile.  E il possibilemente va haber altere aptitudes
que le intelligentia mesme que es importante in facer lo que un contabile
face.  Psychologos de industria recerca tal questiones e problemas.  Io
insenia studentes qui se prepara pro reciper un Doctorato de Philosophia
in Psychologia Industrial e Psychologia Experimental.  Illes va devenir
recercatores pro solver iste problemas.  Illes debe apprender le methodos
de tal recerca.  Io insenia tal methodos.

Statisticamente,
Stan Mulaik