Alora de novo, pro esser totalmente univoc:

Primarimente nos non reguarda, quanto horas es le differentia inter le calculation centro-europee del estate o del hiberno e "tempore universal"; vamos nos calcular solmente in UTC.

1) Io suppone, que le termino del commenciamento del chat a 19h UTC non es(seva) apte pro le americanos (usque nunc), proque io ha incontrate co-chattantes del Americas multo rarmente .

2) Pro isto io demanda nostre amicos del America de Nord e Sud, esque illes ha un proposition, un nove hora pro le commenciamento del chat; un altere, differente termino del illo usque nunc (differente del 19e hora UTC), plus apte pro illes.

3) Si illes non ha un altere proposition, nos pote remaner al tempore 19 h UTC.

4) Isto es plus bon pro nos europeos - le majoritate del participantes general del chat usque nunc -, proque desde deman le differentia inter UTC e nostre calculation de tempore actual in Europa del West e Central essera solmente un hora (non como illo esseva usque nunc: duo horas in CEST). Assi nos poterea chattar un hora plus, que usque nunc. :)

Isto significa (si necuno ha alique contra, o altere proposition non venira de americanos), que le termino del chat desde mercuridi essera 19 h UTC = 20 h CET ("Central European Time" - del hiberno).

(Gratias, Jollino; io non sapeva, que le abbreviation de calculation de tempore centro-europee del estate es CEST.)

Ma ante omnes:

Vamos nos incontrar ancora un vice hodie post le 21 hora CEST (= "Centro-Europee Estive Tempore"), dunque 19 h UTC ("Greenwich Mean Time") in le chat! (Dunque in circa duo horas!)

Isto es le ultime occasion post le 21e hora CEST (= 19 h UTC) ante le cambiamento del calculation temporal (pro nos europeos 20 h CET = 19 h UTC).

(Isto significa, que le sequente chat post illo de hodie occurera in mercuridi, le tercie de novembre, desde le 19e hora UTC = 20e hora CET.)

Esque io esseva sufficiente univoc...? :)

Amicalmente:

Petro Kovács