Amicos,


In le matino hodie io ha pensate multo a 9. April 1940. Le die quando le
nazis comencia occupar
Danmark e Norvegia. Io habeva 12 annos e mi patre non esseva permittite
a dormir a casa. Ille ha
pernoctate un longe periodo in le casa de su labor, le HQ del armea
svedese. Io esseva multo
nervose. Mi patre ha participate como officiero libero in le guerra in
Finland 1939 e io esseva
sempre nervose que ille serea occidite.

Mi patre affin, le patre de Agneta, esseva officiero in le marino, e
ille esseva chef de un
chassa-torpedineros (ang. destroyer) e ha viage in Öresund, le stricto
inter Svedia e Danmark. Io non le cognosce quando io habeva 12
naturalmente, ma nos ha sovente parlate de iste tempores.

Le nazis non ha attaccate Svedia. Forsan nos esseva troppo ben preparate
e habeva fortia militar
sufficiente.

Io non ha amate mi annos in le servicio militar, ma io habeva un
motivation forte a defender Svedia. -
Io habeva grande respecto de un defensa forte fundate al nostre
experientias personal del guerra mundial.

Vamos sperar que interlingua deveni un parte in le processo a crear pace
in le mundo!

Jan


--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel & Fax +46 (0)90771525; e-mail:
[log in to unmask];
[log in to unmask];
[log in to unmask];
ICQ - UIN nr:785745;
http://www.algonet.se/~armann
http://www.interlingua.com